Ayuuba 1:10 - Dewtere Laamɗo Fulfulde Burkina Faso

¹⁰ Wanaa wo aan reeni mo, aɗa fiilii mo hono hoggo, kanko e wuro makko e ko o jogii fuu? A barkinii golleeji juuɗe makko, a lanyini mardiiji makko faa keewi ley leydi ndiin.

Ayuuba 1:10 ပူးပေါင်းရင်းမြစ်များ

Fuɗɗoode 15:1

Caggal ɗuum, konngol Joomiraaɗo wari e Abram, wi'i: — Taa hulu Abram! Miin woni wawaade maaɗa, mbarjaari maa mawnan sanne.

Fuɗɗoode 26:12

Ley hitaande ndeen Isiyaaka aawi e leydi ndiin, de Joomiraaɗo barkini mo, ko o heɓi ɗuum ɓuri ko o aawi ɗuum kile 100.

Fuɗɗoode 30:30

Ko njoginoɗaa fadde am e warude ɗuuɗaano. De joonin, ɗum ɓeydake, ɗum ɗuuɗii sanne. Gilla koyngal am yottii ley ɓaade maa, Joomiraaɗo barkinii ma. Joonin le, faa ndeye ngollananmi ɓaade am, miin du?

Fuɗɗoode 30:43

Noon Yaakuuba laatorii jom jawdi sanne. O heɓi dammuuli keewɗi e maccuɓe e horɓe e geelooɗi e araaji fuu.

Fuɗɗoode 39:5

Nde Yuusufi waɗanoo kayboowo jawdi ndiin fu, Joomiraaɗo barkini ɓaade Misiranke oon saabe muuɗum. Barke oon heddii dow jawdi makko, dow wuro makko e gese makko fuu.

Fuɗɗoode 49:25

Laamɗo bammaa oon wallete, Jom Baawɗe oon barkinante huunde fuu, barkeeji ƴuurooji dow kammu, barkeeji ilam mbaaliiɗam e leydi, barkeeji enndu e enɗam.

Ayuuba 1:3

Imo woodi baali e be'i 7.000 e geelooɗi 3.000 e na'i 1.000 e araaji debbi 500, e maccuɓe ɗuuɗɓe sanne. Wo o neɗɗo tedduɗo sanne mo hono muuɗum walaa ley leyɗe lettugal fuu.

Ayuuba 29:2

— Taweno miɗo worruno hono arande, wakkati mo Laamɗo reenannoo kam,

Ayuuba 29:6

Ndeen le kettungol suddannoo koyɗe am, kaaƴe mbaylanannoo kam nebbam hono gooruwol.

Ayuuba 31:25

Yalla mi meeɗii seyoraade jawdi am keewnoondi, naa weltoraade keɓal am manngal ngaal naa?

Ayuuba 42:12

Joomiraaɗo du barkini Ayuuba e balɗe muuɗum cakitiiɗe faa ɓuri ko barkinnoo ɗum arande. O heɓi baali e be'i 14.000 e geelooɗi 6.000 e na'i 2.000 e araaji debbi 1.000.

Banndi 10:22

Barke Joomiraaɗo na wadda jawdi, mettorgal walaa e maggol.

Fillitagol 33:11

Joomiraaɗo, barkin golle juuɗe maɓɓe, de golle maɓɓe laatoo ko fotani ma. Kelaa baawɗe haɓdooɓe e maɓɓe, taa wayɓe maɓɓe ummitoo faa abada.

Fillitagol 33:27

Laamɗo duumotooɗo oon, wo kam woni suuɗorde mooɗon, juuɗe makko tiigoto on faa abada. Wo kanko riiwata wayɓe mooɗon yeeso mon, o wi'i piɗɗon ɓe.

Fillitagol 7:13

O yiɗan on, o barkina on de o ɗuunna on. O barkinan ɓeyngu mooɗon, wooɗi du, o barkinan alkama mon e inaboojam mon e nebbam mon, e ɓiɓɓe gese mon fuu. Daabaaji mon pamari e mawɗi fuu ngaɗan barke ley leydi ndi o hunanii maamiraaɓe mon o hokkan on ndiin.

1 Piyeer 1:5

Baawɗe Laamɗo na reeniri on saabe goonɗinal mooɗon faa hisina on. O segilake ɓanginde kisindam ɗaam e wakkati cakitte adunaaru ndu.

1 Samuwiila 25:16

Iɓe laatanii min hono kokuwol, jemma e nyalooma fuu, wakkati fuu miɗen ngondi e maɓɓe miɗen ndura dammuuli amin.