Ardiiɓe 9:27 - Dewtere Laamɗo Fulfulde Burkina Faso

²⁷ Nyannde gomma, ɓe njehi nder gese maɓɓe, ɓe itti ɓiɓɓe cabiije, ɓe ɓoosi ɗe ɓe ngaɗi njaram. Ɓe ngaɗi fijo welngo. Ɓe naati suudu tooru maɓɓe, iɓe njara, iɓe kuɗa Abimelek.

Ardiiɓe 9:27 ပူးပေါင်းရင်းမြစ်များ

Wurtagol 32:19

Nde Muusaa ɓattitinoo hoɗorde ndeen fu, yi'i ga'el ngeel e bami. Ɓernde makko ja'awi sanne, o faɗɗiri alluuje ɗe o tiiginoo ɗeen juuɗe makko ɗiɗi, o fusi ɗe ley waamnde ndeen.

Wurtagol 32:6

Jaangoore majjum ɓe ummii gilla subaka, ɓe cakki sadakaaji buleteeɗi, ɓe ngaddi sadakaaji dewral. Ɓe njooɗi ɓe nyaami, ɓe njari de ɓe ummii ɓe ngaɗi fijo.

Lewinkooɓe 24:11

O mbonkii innde Laamɗo, o huyfini ɗum de o waddaa yeeso Muusaa. Inniiko na wi'ee Celomita ɓii Dibiri mo lenyol Dan.

Ardiiɓe 16:23

Nyannde gomma, mawɓe Filistiyankooɓe kawriti ley suudu mawndu ɗo Daagon tooru muɓɓen woni. Ɓe kawriti ɗoon faa ɓe ngaɗana ɗum sadaka mawɗo. Ɓe mbeltii, ɓe mbi'i: Alla meeɗen watti ganyo men Samson e juuɗe meeɗen!

Ardiiɓe 8:33

Caggal maayde Gedeyon, Israa'iilankooɓe coƴƴii law e ɗowtanaade allaaji bi'eteeɗi Ba'al. Ɓe ngaɗi Ba'al-Berit alla maɓɓe.

Ardiiɓe 9:26

Nyannde gomma, Gaal ɓii Ebed e sakiraaɓe muuɗum peri, kooti Sikem. Yimɓe Sikem du ngatti hoolaare muɓɓen e makko.

Ardiiɓe 9:4

Ndeen ɓe kooƴi ceede cardi 70 ley suudu Ba'al-Berit, tooru maɓɓe. Ɓe kokki ɗe Abimelek. Kanje o hooƴi, o yoɓi yimɓe bonɓe jaasuɓe faa ɓe njokka mo.

Ardiiɓe 9:46

Nde jooɗinooɓe ley suudu Sikem toowndu ɓeen nannoo ko waɗi ɗuum fu, naati suudu reenordu wonndu ley mayru, ɗo tooru maɓɓe wi'eteendu Ba'al-Berit (ɗum na fiirta «alla amaana») woni ɗoon.

1 Samuwiila 17:43

Filistiyankeejo wi'i Daawda: — Yalla wo mi rawaandu, de ngarduɗaa to am loosi naa? De o huɗi Daawda e inɗe tooruuji makko.