Ardiiɓe 9:24 - Dewtere Laamɗo Fulfulde Burkina Faso

²⁴ Laamɗo waɗi ɗum faa yomnitoo bonanda mo ɓiɓɓe Yeruba'al ngaɗaa oon, faa ƴiiƴam maɓɓe jokka sakiike maɓɓe Abimelek barɗo ɓe oon, wooɗi du, faa ɗam jokka yimɓe Sikem saabe ko mballi Abimelek wari sakiraaɓe muuɗum ɗuum.

Ardiiɓe 9:24 ပူးပေါင်းရင်းမြစ်များ

1 Kaanankooɓe 2:32

Joomiraaɗo wartiran ƴiiƴam makko dow hoore makko, sabo o wardiino worɓe ɗiɗo kaafaahi, ɓurɓe mo fonnditaare e wooɗude, tawi baaba am Daawda faamaay. O warii Abineer ɓii Neer, hooreejo sordaasiiɓe Israa'iila, e Amaasa ɓii Yeter, hooreejo sordaasiiɓe Yahuuda.

1 Kaanankooɓe 2:33

Ndelle ƴiiƴam maɓɓe wartan dow hoore makko, kanko e ƴuwdi makko faa abada. Ammaa Daawda e ƴuwdim e suudum e laamu muuɗum keɓan jam ƴuuruɗo to Joomiraaɗo faa abada.

Limle 35:33

Taa tuuninon leydi ndi njooɗiɗon e muuɗum ndiin sabo ƴiiƴam wo huunde tuuninoore leydi. Wooɗi du, si ƴiiƴam rufii e leydi fu, walaa ko waawi mooytude ɗam si wanaa nde ƴiiƴam gaɗuɗo war-hoore oon rufaa.

Fillitagol 27:25

Kuddi woodana jaɓuɗo njoɓdi faa itta yonki mo waɗaay faa'e. Ndeen yimɓe fuu njaaboo mbi'a: «Aamiina.» —

Ardiiɓe 1:7

Ndeen Adoni-Beejek wi'i: — Si goonga, ina woodunoo kaanankooɓe 70 ɓe taƴumi kolli juuɗe muɓɓen gori e kolli koyɗe muɓɓen gori fuu. Sanaa ɓe cuɓanoo ko'e maɓɓe ko ɓe nyaama ley taabawal am to nyaamammi. Laamɗo yomnitake kam ko ngaɗunoomi ɓe ɗuum fuu. Ɓe njaari mo Urusaliima, o maayi toon.

Ardiiɓe 9:25

Ndeen yimɓe Sikem ngaɗi sordaasiiɓe ɗappinii dow baamle faa kaɓda e Abimelek. Ɓe piyi neɗɗo dewuɗo laawol ngool fuu, de ɓe teeti jawdi mum. Ndeen Abimelek humpitaa ɗum.

1 Samuwiila 15:33

De Samuwiila wi'i: — Hono no kaafaahi maaɗa teetiri rewɓe e sukaaɓe muɓɓen, nii inna maaɗa teetirtee suka muuɗum joonin. Ndeen Samuwiila taƴiri Agak e kaafaahi yeeso hirsirde Joomiraaɗo wuro Gilgal.