Ardiiɓe 8:32 - Dewtere Laamɗo Fulfulde Burkina Faso

³² Gedeyon naywi sanne de maayi. O uwaa nder yanaande baabiiko Yowas, ley ngalluure Ofera nde Abiijerankooɓe.

Ardiiɓe 8:32 ပူးပေါင်းရင်းမြစ်များ

Fuɗɗoode 15:15

Aan kaa caggal naywaaku maaɗa mbelngu, a mooɓete, njaha e jam to maamiraaɓe maaɗa.

Fuɗɗoode 25:8

Ibrahiima wuuri duuɓi keewɗi e nguurndam kiɓɓuɗam. O maayi caggal naywaaku mbelngu. O mooɓaa, o hawritowi e maamiraaɓe makko.

2 Samuwiila 2:32

Ɓe kooƴi ɓanndu Asahel de ɓe uwi mo ley loho baabiiko wonko wuro Baytilaama. Ndeen Yo'ab e worɓe mum mbaali yaade. Nde weetunoo fu, ɓe njottii Heberon.

Ayuuba 42:17

Ndeen o maayi, o nayeejo mo nguurndam kiɓɓuɗam.

Ayuuba 5:26

A maayan wo a jom duuɓi keewɗi, hono no gawri hoorirtee wuro si ɓenndii ni.

Ardiiɓe 6:24

Caggal ɗuum Gedeyon waɗani Joomiraaɗo hirsirde nyiɓiraande kaaƴe. O noddiri nde «Joomiraaɗo woni jom jam». Inde woni ley ngalluure Ofera nder leydi Abiijerankooɓe faa warde hannden.

Ardiiɓe 8:27

Ndeen, Gedeyon hooƴi kootonɗe kaŋŋe ɗeen, waɗi tooru, darni ndu ley Ofera nder ngalluure muuɗum. Caggal ɗuum, yimɓe Israa'iila fuu puɗɗi sujidande tooru nduun. Ɓe tuuniniri ko'e maɓɓe e sujidande ndu. Ɗum laatanii Gedeyon e yimɓe wuro muuɗum fuu tuugol.

Ardiiɓe 8:31

Imo woodunoo du korɗo debbo nattaaɗo ley ngalluure Sikem. Korɗo oon rimani mo ɓiɗɗo gorko, o inndiri ɗum Abimelek.

Ardiiɓe 8:33

Caggal maayde Gedeyon, Israa'iilankooɓe coƴƴii law e ɗowtanaade allaaji bi'eteeɗi Ba'al. Ɓe ngaɗi Ba'al-Berit alla maɓɓe.