Ardiiɓe 8:27 - Dewtere Laamɗo Fulfulde Burkina Faso

²⁷ Ndeen, Gedeyon hooƴi kootonɗe kaŋŋe ɗeen, waɗi tooru, darni ndu ley Ofera nder ngalluure muuɗum. Caggal ɗuum, yimɓe Israa'iila fuu puɗɗi sujidande tooru nduun. Ɓe tuuniniri ko'e maɓɓe e sujidande ndu. Ɗum laatanii Gedeyon e yimɓe wuro muuɗum fuu tuugol.

Ardiiɓe 8:27 ပူးပေါင်းရင်းမြစ်များ

Wurtagol 23:33

Taa ɓe njooɗoo ley leydi mooɗon de ɓe mbosina on, sabo ɗuum waddanan on waɗude hakke yeeso am. Si on ɗowtanake allaaji maɓɓe fu, ɗum laatanto on fergorde.

Wurtagol 32:4

O jaɓi kaŋŋe oon e juuɗe maɓɓe, o siiwi o tafi tooru ndu alhaali ga'el. Ndeen ɓe mbi'i: — Israa'iila, inan allaaji maaɗa, burtinɗi ma leydi Misira!

Wurtagol 34:16

Ndeen ɓaŋanaa ɓiɓɓe maaɗa worɓe ɓiɓɓe maɓɓe rewɓe, de ɓeen ekintina ɓiɓɓe maaɗa lallere sabo ɓe ngattan ɗum'en e waɗude iidi sakkande allaaji maɓɓe.

Fillitagol 12:5

Ammaa wo ley nokkuure nde Joomiraaɗo, Laamɗo mooɗon suɓoytoo hakkunde lenyi mooɗon faa waɗa joonde muuɗum de tabintina innde muuɗum ndeen tan njahoton pilowoɗon ɗum.

Fillitagol 7:16

Kalkon lenyi ɗi Joomiraaɗo, Laamɗo mooɗon watti e juuɗe mon ɗiin fuu. Taa njurmoɗon ɓe, taa ɗowtanoɗon allaaji maɓɓe sabo ɗuum laatanto on tuugol.

Fillitagol 7:25

Mbulon tooruuji maɓɓe ɗiin. Taa eelon kaŋŋe naa cardi ko woni dow tooruuji ɗiin. Taa kooƴanon ɗum ko'e mooɗon sabo iɗum waawi laatanaade on tuugol. Wo ɗe kujje karmuɗe yeeso Joomiraaɗo, Laamɗo mooɗon.

Ardiiɓe 17:5

Tawi Mika ina woodi suudu dewal muuɗum. O sanyi saaya ka mawɓe diina ɓornotoo, o waɗi tooruuji cehaaɗi, ndeen o suɓii gooto hakkunde ɓiɓɓe makko laatoo almaami ley suudu makko.

Ardiiɓe 18:14

Caggal ɗuum, nelaaɓe njoyo yahunooɓe kori leydi Layis ɓeen, mbi'i sakiraaɓe muɓɓen: — Yalla oɗon anndi hakkunde cuuɗi ɗii ina woodi suudu ɗo saaya almaami'en e nate tooruuji e tooru sehaandu e tooru siiwiraandu cardi ngoni naa? Ndelle eɗen anndi faa wooɗi ko kaanɗen waɗude!

Ardiiɓe 18:17

Worɓe njoyo horoynooɓe leydi ɓeen naati nder mayru, kooƴi tooru sehaandu nduun e saaya kaan e nate tooruuji ɗeen e tooru siiwiraandu cardi nduun. Almaami oon du ina tawaa to dammbugal suudu nduun, kam e sordaasiiɓe 600 jogiiɓe kaɓitirɗe ɓeen.

Ardiiɓe 2:2

Onon du, mi yamirii on taa ngaɗidee amaana e yimɓe jooɗiiɓe ley leydi ndiin, de cankiton du kirsirɗe ɗe ɓe nyiɓani tooruuji maɓɓe ɗeen. Ammaa on ngaɗaay ko mbi'umi on. Ko saabii ngaɗɗon nii?

Ardiiɓe 2:3

Wooɗi, joonin inan ko mbi'ammi on: Mi riiwataa yimɓe ɓeen yeeso mooɗon katin. Ɓe takkoto on, ɓe laatanoo on torrooɓe. Tooruuji maɓɓe du laatanto on tuugol (bedorgal) faa ɓe nannga on.

Ardiiɓe 6:11

Ndeen maleyka Joomiraaɗo wari jooɗii ɗakkol lekki mawki ngonki ley ngalluure Ofera ki Yowas Abiyejerankeejo jeyi. Ɗoon ɓiyiiko tappannoo alkamaari nder ngayka to ɓe njaaɓata ɓiɓɓe cabiije faa suuɗa ndi Madiyankooɓe. Innde makko wo Gedeyon.

Ardiiɓe 6:24

Caggal ɗuum Gedeyon waɗani Joomiraaɗo hirsirde nyiɓiraande kaaƴe. O noddiri nde «Joomiraaɗo woni jom jam». Inde woni ley ngalluure Ofera nder leydi Abiijerankooɓe faa warde hannden.

Ardiiɓe 8:26

Kootonɗe kaŋŋe ɗe o hokkaa ngaɗi kilooji 20 baka jawdi ngondi walaa. Ndiin woni koɗi e kootonɗe feere e kaddule laamiiɓe Madiyankooɓe boɗeeje e koɗi ngattaaɗi e daaɗe geelooɗi maɓɓe.

Ardiiɓe 8:28

Jonkaa, Madiyankooɓe leeƴinaa yeeso Israa'iilankooɓe. Ɓe mbaawaay ɓantude ko'e maɓɓe yeeso ɓeen katin. Leydi ndiin heɓiri jam duuɓi 40, ley nguurndam Gedeyon fuu.