Ardiiɓe 7:9 - Dewtere Laamɗo Fulfulde Burkina Faso

⁹ Ley jemma oon, Joomiraaɗo wi'i Gedeyon: — Umma, njippoɗon kaɓdon e Madiyankooɓe, sabo mi wattii ɓe e junngo maaɗa.

Ardiiɓe 7:9 ပူးပေါင်းရင်းမြစ်များ

Ayuuba 4:13

Ka warii hono koyɗol kulɓiniingol hakkunde jemma, wakkati mo ɗoyngol teddungol nanngata yimɓe.

Matta 1:20

Nde o miilotonoo ɗum ndeen, maleyka Joomiraaɗo wari to makko ley koyɗol, wi'i mo: — Yuusufi, taan Daawda, taa hulu ɓaŋude Mariyama, sabo ɓinngel ngel saawi ngeel e Ruuhu Ceniiɗo ƴuuri.

Matta 2:13

Nde jom'en anndal ɓeen ndillunoo fu, maleyka Joomiraaɗo wari e Yuusufi ley koyɗol, wi'i ɗum: — Umma, hooƴu cukalel ngel e inna muuɗum, ndoggaa njahaa Misira. Keddoɗaa toon faa nde mbi'oymaami ngartaa. Sabo Hirudus filoto cukalel ngel faa wara ngel.

Golle Nelaaɓe 27:23

Jemma hankin, Laamɗo jeyɗo kam mo ndewammi oon nuli maleyka to am.

Yoosuwa 10:8

Joomiraaɗo wi'i Yoosuwa: — Taa hulu ɓe, sabo mi wattii ɓe e junngo maa. Fay gooto maɓɓe walaa darotooɗo yeeso maa.

Yoosuwa 11:6

Joomiraaɗo wi'i Yoosuwa: — Taa hulu ɓe! Jaango hono wakkati oo ɓe fuu mi wattan ɓe e juuɗe Israa'iila'en tawee wo ɓe barminaaɓe faa iɓe nesa maayde. Taƴaa codduli pucci maɓɓe, mbulaa torkooji pucci maɓɓe.

Yoosuwa 2:24

Ɓe mbi'i mo: — Joomiraaɗo watti leydi ndiin fuu e juuɗe men. Yimɓe wonɓe toon fuu kulii en sanne faa iɓe mbemmbaa.

Ardiiɓe 3:10

Ruuhu Joomiraaɗo jippii dow makko, o laatii ardiiɗo Israa'iila. Caggal ɗuum, o yehi o honi Kuusan-Risatayim, kaananke Mesopotaamiya. Joomiraaɗo watti kaananke oon e junngo makko. O heɓi jaalagol dow muuɗum.

Ardiiɓe 3:28

O wi'i ɓe: — Njokkee kam, sabo Joomiraaɗo wattii Mo'abinkooɓe, wayɓe meeɗen ɓeen e juuɗe men. Ndeen ɓe njokki mo, ɓe njehi ɓe teeti peƴƴitirɗe Urdun yaade leydi Mo'ab. Ɓe paddii ɗe taa fay gooto feƴƴita.

Ardiiɓe 7:10

Ammaa si tawii aɗa hula haɓdude e maɓɓe fu, njippodoɗaa e Puura maccuɗo maaɗa, naaton ley hoɗorde maɓɓe.

Ardiiɓe 7:8

Ndeen Gedeyon waynii ɓe. O heddodii e yimɓe 300 ɓeen tan. Ɓe kooƴi njooɓaari hootuɓe ɓeen e luwe muɓɓen puufeteeɗe. Tawi hoɗorde Madiyankooɓe ina woni ɗakkol maɓɓe ley naɗɗol.

1 Samuwiila 14:8

Yonatan wi'i: — Ndelle, en peƴƴita njehen faro worɓe ɓeen, faa ɓe nji'a en.

1 Samuwiila 23:4

Ndelle Daawda ŋaarii Joomiraaɗo katin, de Joomiraaɗo jaabii mo wi'i: — Umma jippaa, naata Keyila sabo mi wattan Filistiyankooɓe ɓeen e ley juuɗe maaɗa.