Ardiiɓe 7:22 - Dewtere Laamɗo Fulfulde Burkina Faso

²² Nde yimɓe Gedeyon puufunoo luwe muɓɓen 300 ɗeen fu, Joomiraaɗo waɗi Madiyankooɓe fuu keddii ina mbarundura nder hoɗorde muɓɓen. Ɓe fuu, ɓe ndoggiri faro Bayti-Sitta, ɗakkol Sereera, faa yaade keerol Abel Mehola, ɗakkol Tabbat.

Ardiiɓe 7:22 ပူးပေါင်းရင်းမြစ်များ

1 Kaanankooɓe 19:16

Katin du, njooraa nebbam dow hoore Yehu ɓii Nimsi faa laatoo kaananke Israa'iila. Ngaɗiraa noon du e Elisey ɓii Safata mo Abel-Mihola faa laatoo annabaajo loomtoowo ma.

1 Kaanankooɓe 4:12

Ba'ana ɓii Aahilooda na dawrana Tanak e Megiddo e Bayti-Se'an ɗakkol Saaretan leydi Yesre'el e leydi hakkunde Bayti-Se'an faa yottii Abel-Mihola to Yokme'am.

2 Korintunkooɓe 4:7

Anndude darja oon laatanake min jawdi korsundi, ammaa miɗen njogorii ndi e ley amin hono no ley looɗe loope, faa anndee baawɗe mawɗe ɗe wo to Laamɗo ƴuuri, wanaa to amin.

Yoosuwa 3:16

ɗam seli doggude, ɗam darii nokku gooto hono kokuwol ni, faa ɗam yottii huɓeere wi'eteende Aadama, wonnde ɗakkol Saretan. Ndiyam ndoggiroojam faro maayo Lamɗam fuu darii cep. Jamaa oon heɓi feƴƴitiri e nokkuure huccitinde e Yeriko.

Yoosuwa 6:16

Nde kile jeɗɗi ɗeen kuulunoo fu, almaami'en ɓeen puufi luwe muɓɓen faa ɓooyti. Ndeen Yoosuwa wi'i yimɓe ɓeen: — Ƴeewnee e semmbe! Sabo Joomiraaɗo hokkii on huɓeere ndeen.

Yoosuwa 6:20

Almaami'en puufi luwe muɓɓen. Nde yimɓe nannoo olko majje fu, ƴeewnii e semmbe, de kokuwol huɓeere ngool boɓɓii lay. Yimɓe njani e huɓeere ndeen, naati nde, mono fuu rewi yeeso muuɗum. Ɓe teeti huɓeere ndeen.

Yoosuwa 6:4

Almaami'en njeɗɗo ada luwe jawɗi, mono fuu luwal gootal. Ɓe ardoo keesuwal Amaana ngaal. Nyannde jeɗɗaɓerde piiltoɗon huɓeere ndeen kile jeɗɗi, almaami'en ɓeen du puufa luwe muɓɓen.

1 Samuwiila 18:19

Ndelle nde wakkati warnoo faa Merap ɓii Sawulu oon hokkee Daawda ndeen, o hokkaama gorko bi'eteeɗo Adariyel jeyaaɗo wuro Mehola.