Ardiiɓe 7:20 - Dewtere Laamɗo Fulfulde Burkina Faso

²⁰ Ndeen pecce sordaasiiɓe tati ɗeen fuu, pusi looɗe muɓɓen, puufi luwe. Mono fuu ina jogii leewngol e junngo nano, luwal ngal fuufata ngaal du e junngo nyaamo. Ɓe ƴeewnii, ɓe mbi'i: — Kooƴiree kaafaaje saabe Joomiraaɗo e saabe Gedeyon!

Ardiiɓe 7:20 ပူးပေါင်းရင်းမြစ်များ

1 Korintunkooɓe 15:52

Ɗum waɗan wakkati gooto, no tamƴaango yitere ni, si buututal cakitotoongal fuufaama. Sabo buututal ngaal fuufete, de maayɓe ɓeen ummodoo e ɓalli ɗi nyolataa. Enen du, en mbaylitete.

2 Korintunkooɓe 4:7

Anndude darja oon laatanake min jawdi korsundi, ammaa miɗen njogorii ndi e ley amin hono no ley looɗe loope, faa anndee baawɗe mawɗe ɗe wo to Laamɗo ƴuuri, wanaa to amin.

1 Tesaloniyankooɓe 4:16

Sabo Joomiraaɗo e hoore muuɗum ƴuuran dow kammu, jippoo. Wakkati oon yamiroore ƴeewnete, hooreejo maleyka'en ƴeewnoto, buututal Joomiraaɗo fuufete. Ndeen maayɓe goonɗinnooɓe Almasiihu ɓeen artoto fuu ummitaade.

Ibraninkooɓe 11:4

Saabe goonɗinal, Haabiila ittiranii Laamɗo sadaka ɓurɗo mo Kayiinu oon. Goonɗinal waɗi de Laamɗo hiisorii mo o ponnditiiɗo nde jaɓannoo mo sadakaaji makko. Katin, fay ko o maayi ɗuum, imo heddii waajaade en faa joonin saabe goonɗinal makko.

Yoosuwa 6:16

Nde kile jeɗɗi ɗeen kuulunoo fu, almaami'en ɓeen puufi luwe muɓɓen faa ɓooyti. Ndeen Yoosuwa wi'i yimɓe ɓeen: — Ƴeewnee e semmbe! Sabo Joomiraaɗo hokkii on huɓeere ndeen.

Yoosuwa 6:20

Almaami'en puufi luwe muɓɓen. Nde yimɓe nannoo olko majje fu, ƴeewnii e semmbe, de kokuwol huɓeere ngool boɓɓii lay. Yimɓe njani e huɓeere ndeen, naati nde, mono fuu rewi yeeso muuɗum. Ɓe teeti huɓeere ndeen.

Yoosuwa 6:4

Almaami'en njeɗɗo ada luwe jawɗi, mono fuu luwal gootal. Ɓe ardoo keesuwal Amaana ngaal. Nyannde jeɗɗaɓerde piiltoɗon huɓeere ndeen kile jeɗɗi, almaami'en ɓeen du puufa luwe muɓɓen.

2 Piyeer 1:15

Ndelle mi waɗan ko mbaawumi fuu, faa si mi dillii adunaaru fu, oɗon mbaawa miccitaade kulle ɗeen wakkati fuu.

Ardiiɓe 7:19

Ndelle, Gedeyon e konunkooɓe 100 wonduɓe e muuɗum ɓeen njottii ɗakkol hoɗorde ndeen hakkunde jemma. Ɓe njottii wakkati nde feccere sordaasiiɓe Madiyankooɓe ɗiɗaɓerde njaɓunoo nokku banndiraaɓe muɓɓen faa reena hoɗorde ndeen. Ndeen ɓe puufi luwe maɓɓe, ɓe pusi looɗe ɗe ɓe njogii ɗeen.

Ardiiɓe 7:21

Gooto maɓɓe fuu ina heddii nokku muuɗum. Iɓe piilii hoɗorde ndeen. Madiyankooɓe ndoggi cankitii nokku fuu. Iɓe mbulla e semmbe.

1 Samuwiila 11:11

Ndelle jaango majjum Sawulu feccii worɓe muuɗum pecce tati. Gilla hejjere, ɓe ngari ɓe njippii dow ndaaka Amoninkooɓe, ɓe piyi ɗum'en faa naange nyawli. Heddiiɓe e Amoninkooɓe ɓeen fuu cankitaa faa fay ɗiɗo maɓɓe ndarodaaki.