Ardiiɓe 7:13 - Dewtere Laamɗo Fulfulde Burkina Faso

¹³ Nde Gedeyon'en njottinoo fu, nani goɗɗo ina fillanoo banndum ko hoyɗi. O wi'i: — Hey, mi hoyɗii. Mi yi'ii tamre buuru tallitii nder hoɗorde meeɗen, fiyi hukum, hippi ɗum, de halki ɗum lay.

Ardiiɓe 7:13 ပူးပေါင်းရင်းမြစ်များ

1 Korintunkooɓe 1:27

Ammaa Laamɗo suɓake ko adunaaru jogorii wo puuyndam faa huyfina jom'en hakkillo ɓeen. Laamɗo suɓake ko adunaaru jogorii wo lokkaaku faa huyfina ko jogii semmbe.

Ardiiɓe 3:15

Ndeen Israa'iilankooɓe mbullii Joomiraaɗo hisina ɗum'en, de o hokki ɓe ardiiɗo. Oon woni Ehut ɓii Geera jeyaaɗo e lenyol Benyamin. Wo o nannandeejo. Israa'iilankooɓe kokki mo, o yaara lampo ngo ɓe mboowi yoɓude kaananke Mo'ab ngoon.

Ardiiɓe 3:31

Caggal Ehut, Samgar ɓii Anat laatii ardiiɗo. Kanko wariri Filistiyankooɓe 600 e sawru soggirdu ga'i woodundu kural. Kanko du o hisini Israa'iilankooɓe.

Ardiiɓe 4:21

Ndeen o ɗaanii ɗoyngol teddungol saabe o tampii. Wakkati oon, Ya'el hooƴi tontoode e tontirde, yottorii heese-heese, tonti nde e laalagal hoore makko. Tontoode ndeen naati faa yottii leydi, de o maayi.

Ardiiɓe 4:9

Deboora wi'i mo: — Wooɗi, mi yaadan e maaɗa, ammaa a heɓataa teddeengal ley konu nguun, sabo Joomiraaɗo wattan Sisera e junngo debbo! Caggal ɗuum, Deboora ummii dillidi e Barak, ɓe njaadi ngalluure Kedes.

Ardiiɓe 6:15

Gedeyon wi'i: — Joomam, njaafoɗaa kam. E ɗume kisinirammi Israa'iila? Si goonga suudu amin woni ɓurndu fuu famɗude nder cuuɗi Manasa. Ley suudu baabam du wo miin ɓuri famɗude!

Ardiiɓe 7:12

Madiyankooɓe e Amalekinkooɓe e lenyi lettugaaji ɗiin fuu ngari ina keewi naɗɗol ngool. Iɓe ɗuuɗi hono baɓɓatti ni. Geelooɗi maɓɓe du limataako. Iɗi ɗuuɗi hono njaareendi daande maayo.

Ardiiɓe 7:14

Ndeen banndiiko oon wi'i: — Haya, ɗum wo kaafaahi Gedeyon ɓii Yowas, Israa'iilankeejo oon. Laamɗo wattii en e junngo makko, enen Madiyankooɓe e wonɓe ley hoɗorde nde fuu!

Ardiiɓe 8:10

Wooɗi, joonin le, Seba e Jalmunna e konunkooɓe muɓɓen 15.000 heddiiɓe ɓeen njehi koɗi ley Karkor. Kamɓe tan keddii ley jamaa mawɗo ƴuuruɗo ley lenyi lettugaaji ɗiin. Si goonga konunkooɓe maɓɓe 120.000 mbaraa.