Ardiiɓe 6:13 - Dewtere Laamɗo Fulfulde Burkina Faso

¹³ Ndeen Gedeyon wi'i: — Joomam, njaafoɗaa kam. Si Joomiraaɗo ina wondi e amin, ɗume saabii de torra hono o hewtii min? Toy baawɗe makko kayɗiniiɗe ɗe maamiraaɓe amin kaalani min kabaaru muɓɓen ɗeen ngoni? Ɓe kollii min no Joomiraaɗo wurtiniri ɓe leydi Misira. Ammaa joonin, o yoppii min, o wattii min du ley juuɗe Madiyankooɓe!

Ardiiɓe 6:13 ပူးပေါင်းရင်းမြစ်များ

Fuɗɗoode 25:22

Ɓiɓɓe ɓeen ina ndunƴondira ley reedu muuɗum. O wi'i: — Si wo nii, ko saabii miɗo wuuri? O yehi, o lamndii Joomiraaɗo.

Romankooɓe 8:31

Caggal ɗuum fuu, ɗume mbi'eten? Si Laamɗo ina wondi e meeɗen, moy waawani en?

Fillitagol 29:24

Ndeen ɓe njaabete ɓe mbi'ee: «Wo saabe ɓe paɗɗii amaana mo Laamɗo Joomiraaɗo haɓɓidinnoo e maamiraaɓe maɓɓe nde wurtinoo ɗum'en leydi Misira ndeen.

Fillitagol 31:17

Nyannde ndeen mi tikkanan ɓe sanne. Mi yoppan ɓe, mi tottitoto ɓe. Ndeen ɓe ceekete, masiibaaji e boneeji feere feere kewtoto ɓe faa ɓe mbi'a: «Wanaa saabe Laamɗo meeɗen waldaa e men de torraaji ɗi fuu na kewtoo en naa?»

Ardiiɓe 6:1

Israa'iilankooɓe puɗɗiti waɗude ko boni yeeso Joomiraaɗo, de o watti ɓe e juuɗe Madiyankooɓe faa waɗi duuɓi jeɗɗi.

Ardiiɓe 6:12

Maleyka Joomiraaɗo ɓangani mo, wi'i: — Hey konunkeejo jom semmbe! Joomiraaɗo ina wondi e maaɗa.