Ardiiɓe 6:12 - Dewtere Laamɗo Fulfulde Burkina Faso

¹² Maleyka Joomiraaɗo ɓangani mo, wi'i: — Hey konunkeejo jom semmbe! Joomiraaɗo ina wondi e maaɗa.

Ardiiɓe 6:12 ပူးပေါင်းရင်းမြစ်များ

Wurtagol 3:12

Laamɗo wi'i o: — Mi wondan e maaɗa. Inan maande holloore wo miin neli ma. Nde mburtinɗaa yimɓe ɓeen Misira fu, on fuu on ngaran teddinon kam dow waamnde ndee.

Matta 1:23

«Surbaajo mo anndaa gorko reedan, rima ɓiɗɗo gorko. O inndirte Imanuwel.» Maanaa innde ndeen wo: «Laamɗo ina wondi e meeɗen».

Matta 28:20

Njannginon ɓe ɓe njokka ko njamirmi on ɗuum fuu. Anndee, miɗo wondi e mooɗon nyannde fuu faa ɗo adunaaru timmi.

Luuka 1:11

Wakkati oon maleyka Joomiraaɗo ɓangani mo, ina darii gere nyaamo nokkuure urirde ndeen.

Luuka 1:28

Maleyka oon naati ɗo Mariyama woni ɗoon, wi'i ɗum: — Aan e jam, keɓuɗo moƴƴere Joomiraaɗo. Joomiraaɗo ina wondi e maaɗa.

Fillitagol 20:1

Nde njahoyɗon faa kaɓdon e wayɓe mon de njiiɗon pucci ɗuuɗɗi e torkooji ɗuuɗɗi e ori sordaasiiɓe ɓurɓe on fu, taa kulon sabo Joomiraaɗo, Laamɗo mooɗon burtinɗo on leydi Misira oon na wondi e mooɗon.

Yoosuwa 1:5

Haddu nguurndam maa fuu walaa darotooɗo yeeso maa. Mi wondan e maaɗa hono no ngondirnoomi e Muusaa ni. Mi woɗɗataako ma, mi yoppataa ma feere maa.

Yoosuwa 1:9

Wanaa miin yamiri ma cemmbinɗinaa hoore maa, cemmbinɗinaa ɓernde maa du naa? Taa accu kulol nannge, sabo miin Joomiraaɗo, Laamɗo maaɗa miɗo wondi e maaɗa nokku fuu to njahataa.

Ardiiɓe 11:1

Wooɗi, ina woodunoo sordaasiijo cuusuɗo sanne bi'eteeɗo Yefta, jeyaaɗo Galaad. Wo o ɓii debbo woykuruujo, ammaa innde baabiiko wo Galaad.

Ardiiɓe 13:3

Nyannde gomma, maleyka Joomiraaɗo ɓangani debbo oon, wi'i ɗum: — Aan wo a dimaro, abada a rimaay. Ammaa a heɓan reedu, a riman ɓiɗɗo gorko.

Ardiiɓe 2:18

Nde Joomiraaɗo nani uumaali maɓɓe ley torraaji yimɓe ɓillooɓe ɓe fu, yurmoto ɓe. Ndeen o hokka ɓe ardiiɗo, o wonndu e makko du. Joomiraaɗo ina danna ɓe e juuɗe wayɓe maɓɓe haddi balɗe ardiiɗo oon fuu.

Ardiiɓe 6:11

Ndeen maleyka Joomiraaɗo wari jooɗii ɗakkol lekki mawki ngonki ley ngalluure Ofera ki Yowas Abiyejerankeejo jeyi. Ɗoon ɓiyiiko tappannoo alkamaari nder ngayka to ɓe njaaɓata ɓiɓɓe cabiije faa suuɗa ndi Madiyankooɓe. Innde makko wo Gedeyon.

Ardiiɓe 6:13

Ndeen Gedeyon wi'i: — Joomam, njaafoɗaa kam. Si Joomiraaɗo ina wondi e amin, ɗume saabii de torra hono o hewtii min? Toy baawɗe makko kayɗiniiɗe ɗe maamiraaɓe amin kaalani min kabaaru muɓɓen ɗeen ngoni? Ɓe kollii min no Joomiraaɗo wurtiniri ɓe leydi Misira. Ammaa joonin, o yoppii min, o wattii min du ley juuɗe Madiyankooɓe!

Ruttu 2:4

Ɗum neeɓaay sanne de Bo'as ƴuuri Baytilaama wari to taƴooɓe muuɗum, wi'i ɗum'en: — Wo Joomiraaɗo wondu e mooɗon! Kamɓe du ɓe mbi'i mo: — Joomiraaɗo barkinɗine!

1 Samuwiila 10:7

Nde maandeeji ɗiin tabiti fu, ngaɗaa ko njiɗɗaa waɗude fuu, sabo Laamɗo ina wondi e maa.