Ardiiɓe 5:31 - Dewtere Laamɗo Fulfulde Burkina Faso

³¹ Yaa! Joomiraaɗo, accu wayɓe maaɗa fuu kalkira noon! Ammaa yimɓe yiɗuɓe ma ɓeen njaynira hono wakkati naange fuɗiri semmbe ni. Wooɗi, illa ndeen leydi ndiin heɓi powtiri faa waɗi duuɓi 40.

Ardiiɓe 5:31 ပူးပေါင်းရင်းမြစ်များ

2 Samuwiila 18:31

Ndeen Habasiijo oon du yottii de wi'i: — Joomam kaananke, hettina kabaaru lobbo o: hannden Joomiraaɗo sarake ummaniiɓe maa, hisini ma e juuɗe maɓɓe fuu.

2 Samuwiila 18:32

Kaananke ƴami Habasiijo oon: — Yalla Absalom jokolle oon na reenii naa? Habasiijo oon jaabii, wi'i: — Joomam kaananke, wayɓe ma e ummaniiɓe ma saabe bonnde fuu laatoo hono no jokolle oon laatorii!

2 Samuwiila 23:4

Imo wa'i hono pooyngol puɗal naange e dow beetee mo walaa duule, imo wa'i hono jayngol gaɗa ƴuwoonde fuɗinoowol huɗo dow leydi.

Wurtagol 20:6

Ammaa yiɗuɓe kam de na ɗowtanoo jamirooje am ɓeen kaa, mi hinnoto ɗum'en faa hewta jamaanuuji ujunere.

Banndi 4:18

Ammaa laawol fonnditiiɓe na nanndi e pooyngol, ingol ɓeydoo yaynude faa hakkunde nyalooma.

Matta 13:43

Ammaa wakkati oon, fonnditiiɓe ɓeen njalbiran hono naange e ley laamu Baaba muɓɓen. Jom nowru fuu, nana!

Romankooɓe 8:28

Eɗen anndi Laamɗo ina gollira huunde fuu faa laatanoo yiɗuɓe ɗum ko wooɗi, ɓe o noddi fodde anniya makko.

1 Korintunkooɓe 8:3

Ammaa neɗɗo fuu jiɗɗo Laamɗo, Laamɗo ina anndi ɗum.

Efeesunkooɓe 6:24

Yiɗuɓe Joomiraaɗo meeɗen Iisaa Almasiihu njinngu ngu timmataa ɓeen fuu, wo hinney Laamɗo wondu e muɓɓen.

Fillitagol 6:5

Njiɗiraa Joomiraaɗo, Laamɗo maaɗa e ɓernde maa fuu e yonki maa fuu e semmbe maa fuu.

Fillitagol 7:9

Ndelle annditon wo Joomiraaɗo, Laamɗo mooɗon oon kam tan woni Laamɗo. Oon woni Laamɗo koolniiɗo, tabintinoowo amaana muuɗum e hinney muuɗum to yiɗuɓe ɗum de ɗowtanii jamirooje muuɗum faa hewta jamaanuuji ujunere.

Yaakuuba 1:12

Barke woodanii neɗɗo fuu munyuɗo ley tiiɗallaaji ndaartindotooɗi ɗum. Sabo nde o ndaardaa o jarraaɗo ndeen, o teddinirte kufune mo Laamɗo aadii hokkude yiɗuɓe ɗum, ɗum woni nguurndam nduumiiɗam.

Yaakuuba 2:5

Sakiraaɓe am horsuɓe, kettindee! Talkaaɓe adunaaru ndu ɓeen, wanaa Laamɗo suɓake ɓe faa ɓe laatoo danyuɓe goonɗinal, ɓe naata e laamu Laamɗo mo Laamɗo aadii hokkude yiɗuɓe ɗum naa?

1 Piyeer 1:8

On nji'aay ɗum de oɗon njiɗi ɗum. On nji'ataa mo joonin, ammaa oɗon ngoonɗini mo. Ɗum hebbini on seyo manngo faltiingo haaleede.

Holleede 1:16

Imo jogorii junngo makko nyaamo ngoon koode jeɗɗi. Kaafaahi ki kunnduɗe muuɗum ɗiɗi fuu mbeli ina wurtoo e hunnduko makko. Yeeso makko ina ɗelkira hono naange yayniroowe haddi baawɗe muuɗum fuu.

Holleede 18:20

Kammu, welta e halkeede mayre! Seniiɓe e nulaaɓe e annabaaɓe, onon du mbeltee! Sabo Laamɗo sarake nde ko nde waɗi on ɗuum!

Holleede 6:10

Ɓe ƴeewnii faa toowi, ɓe mbi'i: — Joomiraaɗo ceniiɗo goongante, faa ndey ndoomuɗaa faa caroɗaa yimɓe wonɓe e adunaaru ndu ɓeen? Ndeye njomnitotoɗaa ɓe rufugol ƴiiƴam amin?

Ardiiɓe 3:11

Noon leydi ndiin heɓiri jam faa waɗi duuɓi 40. Ndeen Otoniila ɓii Kenas oon maayi.

Ardiiɓe 3:30

Nyalaande majjum, Israa'iilankooɓe mari Mo'abinkooɓe. Ndeen leydi ndiin heɓi jam faa waɗi duuɓi 80.