Ardiiɓe 5:18 - Dewtere Laamɗo Fulfulde Burkina Faso

¹⁸ Lenyol Jabulon woni parritingol yonki muuɗum. Yimɓe Naftali du, tawaama ley konu toon.

Ardiiɓe 5:18 ပူးပေါင်းရင်းမြစ်များ

Fuɗɗoode 35:23

Ɓiɓɓe Leya wo: Ruben e Simeyon e Lewi e Yahuuda e Isakar e Jabulon. Ruben woni afo Yaakuuba.

Fuɗɗoode 35:25

Ɓiɓɓe Bilha korɗo Rahiina oon wo: Dan e Naftali.

Ester 4:16

— Yahu hawrondinoy Yahuudiyankooɓe wonɓe ley huɓeere Suus fuu, de cuumanoɗon kam. Balɗe tati, taa nyaamon, taa njaron. Miin e gollooɓe am rewɓe du, min ngaɗiran noon. Caggal ɗuum, mi yahan to kaananke fay si na ɗum laati mboɗaa. Fay si tawi mi maayan sey mi maaya.

Golle Nelaaɓe 20:24

De miin kaa, mi hiisaaki nguurndam am e maayde am fuu si mi timminii daɗundurgol, mi heɓii yottinde gollal ngal Iisaa Joomiraaɗo halfini kam ngaal. Gollal ngaal woni seedaade Kabaaru Lobbo haala hinney Laamɗo.

1 Yuhanna 3:16

Inan no anndirten ko woni njinngu: Almasiihu hokkitirii yonki muuɗum saabe meeɗen. Ndelle enen du, eɗen njeyi hokkitirde yonkiiji meeɗen saabe sakiraaɓe men.

Holleede 12:11

Sakiraaɓe meeɗen ɓeen njaalorake mo ƴiiƴam Jawgel ngeel, e seedaaku ngu ɓe ngaɗi dow maggel. Ɓe pilaaki reenude yonkiiji maɓɓe e maayde.

Ardiiɓe 4:10

Toon Barak noddi yimɓe Jabulon e Naftali kawrita. Worɓe waɗooɓe 10.000 ngari njokki mo. Deboora du yaadi e makko.

Ardiiɓe 4:14

Ndeen Deboora wi'i Barak: — Umma! Sabo hannden wo nyalaande nde Joomiraaɗo wattata Sisera e junngo maaɗa. Joomiraaɗo e hoorem ina woni yeeso maaɗa faa ɗowe. Barak jippii waamnde Taabor, konunkooɓe 10.000 ina njokki caggal muuɗum.

Ardiiɓe 4:6

Nyannde gomma, o nelani Barak ɓii Abinowam mo ngalluure Kedes jeyaaɗo ley leydi Naftali noddowee. O wi'i ɗum: — Inan ko Joomiraaɗo, Laamɗo Israa'iila yamiri ma: «Yahu hooƴu konunkooɓe ley lenyol Naftali e ley lenyol Jabulon, waɗooɓe 10.000, kawriton waamnde Taabor.

Ardiiɓe 6:35

O waɗi nelaaɓe to yimɓe Manasa fuu faa kam'en du noddee. Katin du o nelani yimɓe Aser e yimɓe Jabulon e yimɓe Naftali. Ndeen ɓe fuu ɓe ngari, ɓe kawriti to makko.