Ardiiɓe 4:9 - Dewtere Laamɗo Fulfulde Burkina Faso

⁹ Deboora wi'i mo: — Wooɗi, mi yaadan e maaɗa, ammaa a heɓataa teddeengal ley konu nguun, sabo Joomiraaɗo wattan Sisera e junngo debbo! Caggal ɗuum, Deboora ummii dillidi e Barak, ɓe njaadi ngalluure Kedes.

Ardiiɓe 4:9 ပူးပေါင်းရင်းမြစ်များ

Ardiiɓe 2:14

Saabe majjum, tikkere Joomiraaɗo huɓɓi ɓe. Ndeen o watti ɓe e juuɗe wayɓe maɓɓe, lenyi janani teetooji ɓe jawdi maɓɓe. O watti ɓe e juuɗe wayɓe maɓɓe fiiliiɓe ɓe. Ɓe ngalaa katin semmbe daraade yeeso wayɓe maɓɓe.

Ardiiɓe 4:8

Barak wi'i Deboora: — Si a yaadan e am, mi yahan. Si a yaadataa e am du, mi yahataa.

Ardiiɓe 9:53

Ndeen debbo gomma ina darii faa dow toon, faɗɗi hayre niisirde. Nde saami dow Abimelek, nde fusi hoore muuɗum.

Ardiiɓe 9:54

Wakkati oon, Abimelek noddi suka jokolle jogiiɗo kaɓitirɗe makko oon, wi'i ɗum: — War, soortu kaafaahi de mbaraa kam, taa wi'ee wo debbo wari kam. Suka jokolle oon soorti ki, yuwi mo, de o maayi.

1 Samuwiila 2:30

Ndelle inan ko Joomiraaɗo, Laamɗo Israa'iila wi'i: «Mi fodanekeno ma, aan e suudu bammaa nduun ngollanon kam faa abada.» De joonin kaa inan ko Joomiraaɗo wi'i: «Taa ɗum laatoo! Yimɓe teddinooɓe kam ɓeen, kam'en teddinammi, ammaa huyfinooɓe kam ɓeen, njawete.