Ardiiɓe 4:14 - Dewtere Laamɗo Fulfulde Burkina Faso

¹⁴ Ndeen Deboora wi'i Barak: — Umma! Sabo hannden wo nyalaande nde Joomiraaɗo wattata Sisera e junngo maaɗa. Joomiraaɗo e hoorem ina woni yeeso maaɗa faa ɗowe. Barak jippii waamnde Taabor, konunkooɓe 10.000 ina njokki caggal muuɗum.

Ardiiɓe 4:14 ပူးပေါင်းရင်းမြစ်များ

Fuɗɗoode 19:14

Luudu yalti haaldi e haɓɓanɓe ɓiɓɓe muuɗum rewɓe ɓeen, wi'i ɗum'en: — Ummee! Njalten, ndillen nokku oo, sabo Joomiraaɗo halkan wuro ngo. Ammaa esiraaɓe makko ɓeen ndaardi haala kaan hono toolo.

Fuɗɗoode 44:4

Nde ɓe njaltunoo huɓeere ndeen, gilla ɓe mboɗɗaaki, Yuusufi wi'i mawɗo gollooɓe ley galle muuɗum oon: — Umma! Tewnitin worɓe ɓeen. Nde kewtiɗaa ɓe fu, mbi'aa ɓe: «Ko saabii oɗon njoɓnitoroo moƴƴere e ko boni?

2 Samuwiila 5:24

De wakkati nanuɗaa duko hono caaɓanɗe koyɗe dow ceɓoy leɓoy leɗɗe fu, karoɗaa. Sabo duko koon hollete Joomiraaɗo yehii yeeso maaɗa faa fiya sordaasiiɓe Filistiyankooɓe.

Fillitagol 9:3

Ndelle paamon hannden, Joomiraaɗo, Laamɗo mooɗon na ardii on hono yiite nyaamoowe. Wo kam halkata ɓe, leeƴina ɓe yeeso mooɗon. On teetan leydi maɓɓe de kalkon ɓe law fodde no Joomiraaɗo wi'iri on noon.

Yoosuwa 10:8

Joomiraaɗo wi'i Yoosuwa: — Taa hulu ɓe, sabo mi wattii ɓe e junngo maa. Fay gooto maɓɓe walaa darotooɗo yeeso maa.

Yoosuwa 7:13

Umma laaɓin jamaa oon. Wi'u yimɓe ɓeen laaɓina ko'e muɓɓen saabe jaango. Inan ko Joomiraaɗo, Laamɗo Israa'iila wi'i: «Huunde harminaande ina tawaa hakkunde mooɗon, onon Israa'iila'en. On mbaawataa daraade yeeso wayɓe mon katin, si wanaa itton hakke oon.

Ardiiɓe 19:28

Goriiwo oon wi'i mo: — Umma ndillen. Ammaa deekiiwo oon jaabaaki. Ndeen o hooƴi ɓanndu mum, o deki dow araawa, o nanngi laawol makko, o hooti.

Ardiiɓe 4:10

Toon Barak noddi yimɓe Jabulon e Naftali kawrita. Worɓe waɗooɓe 10.000 ngari njokki mo. Deboora du yaadi e makko.

Ardiiɓe 7:9

Ley jemma oon, Joomiraaɗo wi'i Gedeyon: — Umma, njippoɗon kaɓdon e Madiyankooɓe, sabo mi wattii ɓe e junngo maaɗa.

1 Samuwiila 9:26

Puɗal naange, Samuwiila noddi Sawulu dow suudu, wi'i: — Ummaa, mi ɗowtire seeɗa. Nde Sawulu segilinoo ndeen, kam e Samuwiila mburtodii.