Ardiiɓe 3:8 - Dewtere Laamɗo Fulfulde Burkina Faso

⁸ Saabe majjum tikkere Joomiraaɗo huɓɓi yimɓe Israa'iila, faa watti ɓe e junngo kaananke soɓɓirre mo Mesopotaamiya, bi'eteeɗo Kuusan-Risatayim. Oon jaalii ɓe. Ɓe ngollani ɗum faa waɗi duuɓi jeetati.

Ardiiɓe 3:8 ပူးပေါင်းရင်းမြစ်များ

Fuɗɗoode 24:10

Maccuɗo oon suɓii geelooɗi sappo hakkunde geelooɗi joomum, rimndi ɗi dokke feere feere mawɗe. Ndeen o adi laawol leydi Mesopotamiya faa o yaha wuro Nahor toon.

Wurtagol 22:24

Si a nyamlake neɗɗo hakkunde yimɓe am ceede, naa talkaajo gonɗo ɗakkol maaɗa, taa laatoɗaa hono tinoowo buuɗi, taa ndoolɗaa o yoɓe ceede ɓurɗe ɗe o jaɓi to maaɗa ɗeen.

Lewinkooɓe 26:17

Mi ummanto on de wayɓe mon njaaloo on. Wanyuɓe on ɓeen ndawranan on de ndoggon fay si on ndiiwaaka.

Romankooɓe 7:14

Eɗen anndi Tawreeta Muusaa oon to Ruuhu Ceniiɗo ƴuuri. De miin kaa, mi adunanke tan mo hakke dawrani.

Fillitagol 29:20

sennda o e lenyi Israa'iila saabe bone kewtotooɗo o fodde kuddiiji binndaaɗi ley dewtere Tawreeta ndee.

Fillitagol 32:30

Si Tefaare maɓɓe yoppaayno ɓe, noy neɗɗo gooto tan waawiri riiwude yimɓe ujunere? Si Joomiraaɗo wattaayno ɓe e juuɗe wayɓe maɓɓe, noy yimɓe ɗiɗo mbaawiri riiwirde yimɓe ujunaaje sappo?

Ardiiɓe 2:14

Saabe majjum, tikkere Joomiraaɗo huɓɓi ɓe. Ndeen o watti ɓe e juuɗe wayɓe maɓɓe, lenyi janani teetooji ɓe jawdi maɓɓe. O watti ɓe e juuɗe wayɓe maɓɓe fiiliiɓe ɓe. Ɓe ngalaa katin semmbe daraade yeeso wayɓe maɓɓe.

Ardiiɓe 2:20

Tikkere Joomiraaɗo huɓɓi ɓe, de wi'i: — Saabe yimɓe ɓeen kalkii amaana mo ngaddunoomi e maamiraaɓe muɓɓen, saabe ɓe ɗowtanaaki jamirooje am,

Ardiiɓe 3:10

Ruuhu Joomiraaɗo jippii dow makko, o laatii ardiiɗo Israa'iila. Caggal ɗuum, o yehi o honi Kuusan-Risatayim, kaananke Mesopotaamiya. Joomiraaɗo watti kaananke oon e junngo makko. O heɓi jaalagol dow muuɗum.

Ardiiɓe 3:7

Wooɗi, Israa'iilankooɓe ngaɗi ko boni yeeso Joomiraaɗo. Ɓe njeggiti Joomiraaɗo, Laamɗo maɓɓe, ɓe cujidani tooruuji bi'eteeɗi Ba'al e tooruuji dewi bi'eteeɗi Asera.

Ardiiɓe 3:9

Ammaa nde Israa'iilankooɓe mbullinoo Joomiraaɗo ndeen, o hokki ɓe ardiiɗo. Oon woni Otoniila ɓii Keenas, minyo Kaalibu.

Ardiiɓe 4:9

Deboora wi'i mo: — Wooɗi, mi yaadan e maaɗa, ammaa a heɓataa teddeengal ley konu nguun, sabo Joomiraaɗo wattan Sisera e junngo debbo! Caggal ɗuum, Deboora ummii dillidi e Barak, ɓe njaadi ngalluure Kedes.

1 Samuwiila 12:9

Ammaa ɓe njeggitii Joomiraaɗo, Laamɗo maɓɓe, ndelle o watti ɓe ley juuɗe Sisera, hooreejo sordaasiiɓe Hasor. O watti ɓe ley juuɗe Filistiya'en e kaananke Mo'ab du, kam'en kaɓi e maɓɓe.