Ardiiɓe 3:7 - Dewtere Laamɗo Fulfulde Burkina Faso

⁷ Wooɗi, Israa'iilankooɓe ngaɗi ko boni yeeso Joomiraaɗo. Ɓe njeggiti Joomiraaɗo, Laamɗo maɓɓe, ɓe cujidani tooruuji bi'eteeɗi Ba'al e tooruuji dewi bi'eteeɗi Asera.

Ardiiɓe 3:7 ပူးပေါင်းရင်းမြစ်များ

1 Kaanankooɓe 16:33

Ahabi waɗani tooru Asera bimmbeere. O tikkini Joomiraaɗo, Laamɗo Israa'iila. O ɓernini ɗum faa ɓuri kaanankooɓe Israa'iila artiiɓe mo fuu.

1 Kaanankooɓe 18:19

Ndelle joonin kawrondina Israa'iila'en fuu dow waamnde Karmel, kamɓe e annabaaɓe Ba'al 450, tawti annabaaɓe tooru Asera 400 ɓe deeka Yesabel nyaamdata ley wuro muuɗum ɓeen.

2 Kaanankooɓe 23:14

O fusi bimmbeeje tooruuji, o soppi leɗɗe Asera de o hebbini luunɗe majje ƴi'e maayɓe.

2 Kaanankooɓe 23:6

O wurtini leggal tooru Asera ngaal du ley suudu Joomiraaɗo, o yaari ngal yaasin Urusaliima ɗakkol gooruwol Kidiron de o wuli ngal o niisi ƴulɓe maggal faa laatii conndi de o faɗɗi ndi dow caabeeje talkaaɓe.

Wurtagol 34:13

Ndelle sanaa kalkon cakkirɗe maɓɓe ɗeen. Kelon bimmbeeje tooruuji maɓɓe de coppon leɗɗe maɓɓe darnaaɗe ɗe tooru Asera ɗeen.

Fillitagol 16:21

Taa ndarnon leggal tooru Asera fay gootal ɗakkol sakkirde nde nyiɓanton Joomiraaɗo, Laamɗo mooɗon ndeen.

Fillitagol 4:9

Ammaa ndeentee, kakkilee faa wooɗa taa njeggiton ko njiiruɗon gite mon ɗuum. Taa ɗum wurtoo e ɓerɗe mooɗon haddi nguurndam mooɗon fuu. Ekintinon ɗe ɓiɓɓe mooɗon e taaniraaɓe mooɗon.

Fillitagol 8:11

Kakkilon, taa njeggiton Joomiraaɗo, Laamɗo mooɗon de kunngoɗon ɗowtanaade jamirooje e kiite e sariyaaji muuɗum fodde no ekintiniranmi on hannden noon.

Fillitagol 8:14

kakkilon taa mawninkinoɗon de njeggiton Joomiraaɗo, Laamɗo mooɗon, burtinɗo on leydi Misira, ley suudu maccungaaku oon.

Fillitagol 8:18

Miccitoɗon Joomiraaɗo, Laamɗo mooɗon sabo wo kam hokkata on semmbe mo keɓirton jawdi ndiin fuu. Noon o tabintinirta amaana mo o waɗidinnoo e maamiraaɓe mooɗon, hono no worri hannden ni.

Ardiiɓe 3:12

Ɓiɓɓe Israa'iila puɗɗiti waɗude ko boni yeeso Joomiraaɗo. Nde ɓe ngaɗunoo ko boni yeeso makko ndeen, o waɗi kaananke Mo'ab, bi'eteeɗo Egelon jaalii ɓe.

Ardiiɓe 3:8

Saabe majjum tikkere Joomiraaɗo huɓɓi yimɓe Israa'iila, faa watti ɓe e junngo kaananke soɓɓirre mo Mesopotaamiya, bi'eteeɗo Kuusan-Risatayim. Oon jaalii ɓe. Ɓe ngollani ɗum faa waɗi duuɓi jeetati.

Ardiiɓe 6:25

Ley jemma oon, Joomiraaɗo wi'i Gedeyon: — Adu ngaari bammaa kalahaldi, ndi duuɓi jeɗɗi. Yahu cankitaa hirsirde nde bammaa nyiɓani Ba'al ndeen. Coppaa leggal darnanaangal Asera, tooru maɓɓe, dariingal ɗakkol hirsirde ngaal.

Ardiiɓe 8:33

Caggal maayde Gedeyon, Israa'iilankooɓe coƴƴii law e ɗowtanaade allaaji bi'eteeɗi Ba'al. Ɓe ngaɗi Ba'al-Berit alla maɓɓe.

Ardiiɓe 8:34

Ɓe njeggiti Joomiraaɗo, Laamɗo maɓɓe, kisinɗo ɓe e wayɓe maɓɓe e yimɓe fiiliiɓe ɓe, na torra ɓe ɓeen.

1 Samuwiila 12:10

Ndeen ɓe mbullani Joomiraaɗo, ɓe mbi'i: «Min ngaɗii hakke, min njoppii Joomiraaɗo de min ndewi alla'en e tooruuji Astarta. Joonin kaa ndannaa min e juuɗe wayɓe min, de min ɗowtane.»

1 Samuwiila 12:9

Ammaa ɓe njeggitii Joomiraaɗo, Laamɗo maɓɓe, ndelle o watti ɓe ley juuɗe Sisera, hooreejo sordaasiiɓe Hasor. O watti ɓe ley juuɗe Filistiya'en e kaananke Mo'ab du, kam'en kaɓi e maɓɓe.