Ardiiɓe 20:6 - Dewtere Laamɗo Fulfulde Burkina Faso

⁶ Caggal ɗuum, kooƴumi ɓanndu makko, taƴumi ndu, ngaɗumi pecce, neldumi ɗe nokku fuu to lenyol Israa'iila woni, sabo ɓe ngaɗii huunde bonde harmunde ley leydi Israa'iila.

Ardiiɓe 20:6 ပူးပေါင်းရင်းမြစ်များ

Fuɗɗoode 34:7

Nde ɓiɓɓe Yaakuuba njaanyunoo fu, nani haala kaan. Ɗum metti ɓe, ɗum haɓɓi ɓe ko'e sanne. Sabo Sikem fukkodake e ɓii Yaakuuba debbo, waɗii ko semtinii Israa'iila, ko haanaa waɗeede.

Lewinkooɓe 18:24

Taa tuuniniron ko'e mooɗon e golleeji iri ɗiin sabo wo kanji caabanii lenyi ɗi ndiiwanmi yeeso mooɗon ɗiin laataade tuunɗi.

Lewinkooɓe 18:30

Tinnee njogitee jamirooje am, ngaɗon ko mbiimi. Taa njokkon al'aadaaji nyiddiniiɗi gaɗetenooɗi illa on ngaraayno ɗiin. Noon waɗata taa tuunon. Wo miin woni Joomiraaɗo, Laamɗo mooɗon.

Yoosuwa 7:15

Cappaaɗo saabe kujje cakkanteeɗe Joomiraaɗo oon faɗɗete ley yiite, kanko e ko o jeyi fuu, sabo o luttii amaana Joomiraaɗo, o semtinii leydi Israa'iila.»

Ardiiɓe 19:22

Nde ɓe ngonnoo iɓe ceyoo ndeen, worɓe wuro ngoon, ngari piilii suudu nduun, piiri dammbugal suudu ngaal semmbe. Wo ɓe worɓe bonɓe laaliiɓe. Ɓe mbi'i gorko nayeejo jom wuro oon: — Wurtin gorko garɗo to maaɗa oon faa min pukkodoo e muuɗum!

Ardiiɓe 19:23

Ndeen jom ɓaade oon wurtii wari to maɓɓe, wi'i ɓe: — Hey, sakiraaɓe am, taa ngaɗee ko boni! Wooɗi, neɗɗo oon wo beero am. Taa ngaɗee puuyndam hono ɗam.

Ardiiɓe 19:29

Nde o yottinoo suudu makko fu, o hooƴi laɓi, o taƴi ɓanndu deekiiko oon, o waɗi ɗum pecce 12, o neldi ɗe nokku fuu nder leydi Israa'iila.

Ardiiɓe 20:10

Caggal ɗuum, ley lenyi Israa'iila fuu en ittan worɓe sappo ley yimɓe 100, de itten 100 ley yimɓe 1.000, wooɗi itten du 1.000 ley yimɓe 10.000, laatoo waddanooɓe konunkooɓe ɓeen nyaamdu. Wooɗi heddiiɓe ɓeen du, njaha Gibeya ley leydi Benyamin faa njomnitoo ngalluure ndeen saabe puuyndam ɗam nde waɗi ley Israa'iila ɗaam.