Ardiiɓe 2:17 - Dewtere Laamɗo Fulfulde Burkina Faso

¹⁷ Ammaa e ɗuum fuu, Israa'iilankooɓe kettindaaki ko ardiiɓe ɓeen mbi'i ɗum'en. Ɓe ndewi allaaji goɗɗi, ɓe tuunini ko'e maɓɓe e majji, ɓe cujidani ɗi. Ɓe njoppi laawol maamiraaɓe maɓɓe law, jokkunooɓe jamirooje Joomiraaɗo. Ɓe ngaɗaay hono no ɓeen ngaɗunoo noon.

Ardiiɓe 2:17 ပူးပေါင်းရင်းမြစ်များ

Wurtagol 32:8

Ɓe njoppii laawol am law, ɓe njokkaay ko njamirmi ɓe. Ɓe ngaɗanii ko'e maɓɓe tooru ndu alhaali ga'el, ɓe kippake yeeso maggel, ɓe cakkanii ngel sadakaaji, iɓe mbi'a: «Israa'iila, inan allaaji maaɗa, burtinɗi ma leydi Misira!»

Lewinkooɓe 17:7

Noon waɗata de Israa'iila'en cela hooƴude kirsamaaji muɓɓen na cakkana tooruuji damɗi ɗi cujidanta ɗiin. Wo ɗum yamiroore nde ɗowtantoɗon onon e ƴuwdi mooɗon ley jamaanuuji fuu faa abada.

Amos 2:4

Inan ko Joomiraaɗo wi'i: Saabe Yahuuda waɗii hakke dow hakke, de mi fiirtataa ko anniyiimi dow muuɗum ɗuum, sabo faɗɗii ekintinooje Joomiraaɗo, ɗowtanaaki sariyaaji muuɗum. Accii pene muuɗum majjinii ɗum, tooruhoy koy maamiraaɓe muuɗum ndewunoo kooy.

Galaatiyankooɓe 1:6

Ina haaynii kam sanne! Ɓooyaay faa'e de on puɗɗii yoppude Laamɗo, noddirɗo on e moƴƴere Almasiihu oon, de njokkuɗon kabaaru goɗɗo.

Fillitagol 31:16

O haaldi e Muusaa o wi'i: — A ɓadake hawritoyde e maamiraaɓe maaɗa. Caggal ɗuum lenyol ngol, haɓɓondiran e allaaji janani, ɗum woni allaaji leydi ndi ɓe naatata ndiin. Ɓe njoppan kam, ɓe mbonnan amaana am mo kaɓɓidimmi e maɓɓe oon.

Fillitagol 31:18

Ammaa miin, mi tottitoto ɓe nyannde ndeen saabe boneeji ɗi ɓe ngaɗi e ko ɓe ɗowtanii allaaji goɗɗi ɗuum.

Fillitagol 9:12

Ndeen Joomiraaɗo wi'i kam: — Njippoɗaa law sabo yimɓe ma ɓe mburtinɗaa leydi Misira ɓeen ngaɗii ko boni. Ɓe njaawii tottitaade laawol ngol njamirmi ɓe tokka ngool, ɓe ngaɗani ko'e maɓɓe tooru njamndi ciiwaandi.

Fillitagol 9:16

Nde ndaarunoomi fu, nji'umi on ngaɗii hakke yeeso Joomiraaɗo, Laamɗo mooɗon. On ngaɗanii ko'e mon ga'el njamndi ciiwaangel. On njaawii tottitaade laawol ngol Joomiraaɗo yamiri tokkon ngool.

Yoosuwa 24:24

Ndeen yimɓe ɓeen mbi'i Yoosuwa: — Min ɗowtanto Joomiraaɗo, Laamɗo amin, min njokkan ko o wi'i.

Yoosuwa 24:31

Israa'iila'en ɗowtanii Joomiraaɗo ley nguurndam Yoosuwa fuu. Ɓe ɗowtanii mo du haaddi nguurndam mawɓe heddiiɓe, yi'unooɓe golleeji mawɗi ɗi Joomiraaɗo waɗani Israa'iila ɗiin fuu.

Ardiiɓe 2:7

Israa'iilankooɓe ɗowtanii Joomiraaɗo ley nguurndam Yoosuwa fuu. Ɓe ɗowtanii mo du haaddi nguurndam mawɓe heddiiɓe, yi'unooɓe golleeji mawɗi ɗi Joomiraaɗo waɗani Israa'iila ɗiin fuu.

Ardiiɓe 8:33

Caggal maayde Gedeyon, Israa'iilankooɓe coƴƴii law e ɗowtanaade allaaji bi'eteeɗi Ba'al. Ɓe ngaɗi Ba'al-Berit alla maɓɓe.

1 Samuwiila 12:12

Wakkati njiinoɗon Nahas kaananke yimɓe Amon ina wara faa haɓa e mooɗon ndeen on mbi'ii kam, «A'aa, miɗen njiɗi kaananke laamoo min». On ngaɗiri noon fay si Joomiraaɗo, Laamɗo mooɗon woni kaananke mooɗon.

1 Samuwiila 12:17

Wanaa wakkati o wo tayri alkama naa? Mi noddan Joomiraaɗo, o nulda diggaali e ƴuwoonde. Noon paamirton on ngaɗi ko boni sanne yeeso Joomiraaɗo e ley ko ŋaariɗon ɗum kaananke.

1 Samuwiila 12:19

Ndeen yimɓe fuu mbi'i Samuwiila: — Ndu'anoɗaa min, kaaldaa e Joomiraaɗo, Laamɗo maaɗa faa taa min maaya, sabo min ɓeydii hakke amin goɗɗe, hakke ƴamude kaananke.