Ardiiɓe 2:15 - Dewtere Laamɗo Fulfulde Burkina Faso

¹⁵ Nde ɓe mburtii faa ɓe kaɓowee fu, Joomiraaɗo ina habda e maɓɓe, ina waɗa ɓe kalkee hono no hunoraninoo ɓe noon. Ɓe njari boneeji faa faltii.

Ardiiɓe 2:15 ပူးပေါင်းရင်းမြစ်များ

2 Korintunkooɓe 4:8

Miɗen ɓillee e huunde fuu, ammaa min pusaay. Miɗen ngoni e wemmbere wakkati fuu, ammaa min taƴaay jikke.

Fillitagol 18:20

Ammaa si annabaajo mawnitake de wi'i goɗɗum feere e innde am, tawi wanaa miin yamiri ɗum haala kaan, naa si haalii e inɗe allaaji goɗɗi fu, sey waree.

Ardiiɓe 10:9

Wooɗi du, Amoninkooɓe peƴƴiti gooruwol Urdun faa kona Yahuudiyankooɓe e Benyaminkooɓe e Efrayimankooɓe. Israa'iila fuu naati nder torraaji cattuɗi sanne.

Ruttu 1:13

yalla oɗon mbaawii munyande ɓe faa ɓe mawna naa? Yalla ɗum haɗan on ɓaŋeede naa? A'aa! Taa ngaɗee noon sukaaɓe am. Ko hewtii kam ɗum ina ɓuri ko hewtiiɗon ɗum naawude, sabo junngo Joomiraaɗo fiyi kam.

1 Samuwiila 12:15

Ammaa si on kettindantaako Joomiraaɗo, si on ndippitake e haala Joomiraaɗo fu, ndeen junngo Joomiraaɗo teddanan on hono no teddiranno maamiraaɓe mooɗon noon.

1 Samuwiila 13:6

Worɓe Israa'iila nji'i halkere muɓɓen, ɓillaare muɓɓen na mawni sanne. Ɓe cuuɗii ley lohi e cukkuri e hakkunde kaaƴe e ley gayɗe e ley ɓulli.

1 Samuwiila 14:24

Tawi worɓe Israa'iila torraama nyannde ndeen, sabo Sawulu hunanii yimɓe, ina wi'a, «Kuddi woodani neɗɗo fuu nyaamuɗo illa naange yanaay, illa mi yomnitaaki wayɓe kam!» Ndelle fay gooto hakkunde yimɓe ɓeen meeɗaay nyaamdu.

1 Samuwiila 30:6

Ɓernde Daawda metti sanne, sabo yimɓe na kaala haala limnude mo kaaƴe e ley mettorgal ɓerɗe maɓɓe dow ko ɓiɓɓe maɓɓe worɓe e rewɓe nanngaa ɗuum. Daawda kaa semmbinii ɓernde muuɗum ley innde Joomiraaɗo, Laamɗo muuɗum.