Ardiiɓe 2:1 - Dewtere Laamɗo Fulfulde Burkina Faso

¹ Joonin, maleyka Joomiraaɗo ummii gilla Gilgal yehi Bokim. O wi'i Israa'iilankooɓe: — Wo miin wurtini on leydi Misira, waddi on nder leydi ndi kunaniimi maamiraaɓe mooɗon mi hokkan ɗum'en. Katin du, wo miin wi'unoo mi halkataa amaana mo ngaddumi e mooɗon oon faa abada.

Ardiiɓe 2:1 ပူးပေါင်းရင်းမြစ်များ

Fuɗɗoode 12:7

Joomiraaɗo ɓangi e Abram, wi'i ɗum: — Wo ƴuwdi maa kokkammi leydi ndii. Abram mahani Joomiraaɗo sakkirde to ɓangani ɗum toon.

Fuɗɗoode 16:13

Hajara noddi Joomiraaɗo kaalduɗo e muuɗum oon. O wi'i ɗum wo a «El Roy» (ɗum na fiirta «Laamɗo ji'oowo kam») sabo o wi'itake: — Jaka wo ɗoo podanaami yi'ude koroowo kam oon!

Fuɗɗoode 48:16

Maleyka kisinɗo kam e sii torra fuu, barkina sukaaɓe ɓee. Innde am e innde saaraaɓe am Ibrahiima e Isiyaaka, keddoo saabe maɓɓe. Ɓe ɗuuɗa faa ɓe keewa ley adunaaru.

Wurtagol 14:14

Joomiraaɗo e hoorem honanta on. Onon kaa ndeƴƴinee tan.

Wurtagol 14:19

Ndeen maleyka Laamɗo gonnooɗo yeeso Israa'iila'en oon, soƴƴii hetti gaɗa maɓɓe. Noon du, ruulde nanndunde e bimmbeere ndeen ƴuwiri yeeso maɓɓe, yehi wonowi caggal maɓɓe.

Wurtagol 20:2

— Miin woni Joomiraaɗo, Laamɗo maaɗa, wo miin wurtini ma leydi Misira ley suudu maccungaaku.

Wurtagol 23:20

Mi nelan maleyka yeeso mooɗon deenoowo on dow laawol faa yaara on nokkuure nde moƴƴinanmi on ndeen.

Wurtagol 33:14

Ndeen Joomiraaɗo wi'i: — Mi yaadan e maaɗa, mi hokkete du powtiri.

Lewinkooɓe 26:42

mi miccitoto amaana mo ngaddunoomi e Yaakuuba e Isiyaaka e Ibrahiima. Mi miccitoto leydi maɓɓe ndiin.

Lewinkooɓe 26:44

Ammaa fay nde ɓe njaaraa leydi wayɓe maɓɓe, mi tottitataako ɓe, mi wanyataa ɓe faa yottanoo kam timminde ɓe ɓe fuu e bonnude amaana mo ngaddunoomi e maɓɓe oon. Miin woni Joomiraaɗo, Laamɗo maɓɓe.

Limle 14:34

Wo balɗe 40 yimɓe mooɗon koriri leydi ndiin, hono noon ngaɗirton duuɓi 40 ley ladde ndee, faa hitaande fuu loomta nyalaande wootere. On njaran torra rafi hoolaare mooɗon, faa paamon no laataade am ganyo mooɗon naawiri.

Fillitagol 1:8

Ndaaron, mi hokkii on ndi. Njehee njeytowee ndi. Kayri woni ndi Joomiraaɗo huninoo hokkan maamiraaɓe mon Ibrahiima e Isiyaaka e Yaakuuba laatoo ndongu muɓɓen, kam'en e ƴuwdi muɓɓen fuu.

Fillitagol 4:34

Yalla woodii alla ennduɗo warude hooƴira lenyol hakkunde lenyol gonungol ley torraaji e maandeeji e kaayeefiiji e konu e semmbe mawɗo e kujje mawɗe kulɓiniiɗe, hono no Joomiraaɗo, Laamɗo mooɗon waɗiri ley leydi Misira e gite mooɗon noon naa?

Fillitagol 7:9

Ndelle annditon wo Joomiraaɗo, Laamɗo mooɗon oon kam tan woni Laamɗo. Oon woni Laamɗo koolniiɗo, tabintinoowo amaana muuɗum e hinney muuɗum to yiɗuɓe ɗum de ɗowtanii jamirooje muuɗum faa hewta jamaanuuji ujunere.

Yoosuwa 3:10

Inan no paamirton Laamɗo Buurɗo oon ina wondi e mooɗon. Kanko e hoore makko riiwata Kanaaninkooɓe e Hittiyankooɓe e Hiwinkooɓe e Perisinkooɓe e Girgasinkooɓe e Amorinkooɓe e Yebusinkooɓe yeeso mooɗon.

Ardiiɓe 11:24

Yalla wanaa onon njeyi leydi ndi Kemos alla mooɗon hokki on ndiin naa? Minen du, ko Joomiraaɗo, Laamɗo amin teeti hokki min ɗuum woni ndongu amin.

Ardiiɓe 13:2

Ina woodi gorko gomma jeyaaɗo ngalluure Soreya ƴuuruɗo e lenyol Dan. Imo inndiree Manoha. Deekiiko wo dimaro, ɓe ngalaa ɓiɗɗo.

Ardiiɓe 13:3

Nyannde gomma, maleyka Joomiraaɗo ɓangani debbo oon, wi'i ɗum: — Aan wo a dimaro, abada a rimaay. Ammaa a heɓan reedu, a riman ɓiɗɗo gorko.

Ardiiɓe 2:5

Ɗuum waɗi de nokkuure ndeen inndiraa Bokim (ɗum na fiirta «bojji»), de ɓe ngaɗani Joomiraaɗo sadaka kirsamaaji ɗoon.

Ardiiɓe 6:8

Joomiraaɗo nuldi ɓe annabaajo, wi'i ɓe: — Inan ko Joomiraaɗo, Laamɗo Israa'iila wi'i: «Wo miin wurtini on e Misira. Miin wurtini on ley maccungaaku.