Ardiiɓe 19:9 - Dewtere Laamɗo Fulfulde Burkina Faso

⁹ Caggal ɗuum nde gorko oon e deekum e maccuɗo muuɗum umminoo faa ndilla fu, esum oon wi'i ɗum: — Ndaaree, naange ɓadake yanude. Mbaalee ɗo. Haya, jemma waɗii. Waalu ɗo, mbeltoɗaa. Jaango fu, ndawon nanngon laawol mon, kooton.

Ardiiɓe 19:9 ပူးပေါင်းရင်းမြစ်များ

2 Samuwiila 13:28

Absalom yamiri maccuɓe mum, wi'i: — Kettindee. Nde Amnon sulii faa ɓernde mum heewi seyo fu, mi wi'an on, «Piyee Amnon». Ndeen mbaron mo. Taa kulee. Wo miin hokki on yamiroore nde. Cemmbinee ɓerɗe mon, laatoɗon suusuɓe!

Banndi 27:1

Taa manu hoore maa dow ko warata, sabo a anndaa ko hannden rimata.

Luuka 24:29

Ammaa ɓe nyaagii mo, ɓe mbi'i: — Heddoda e amin, sabo hiirii, jemma warii. O naati, o jippodii e maɓɓe.

Ardiiɓe 19:10

Ammaa gorko oon jaɓaay waalude ɗoon katin. Ɓe ndimndi araaji maɓɓe ɗiɗi ɗiin, ɓe nanngi laawol maɓɓe, kanko e deekiiko. Ndeen ɓe ndewi ngalluure Yebus, ɗum woni Urusaliima.

Ardiiɓe 19:6

Katin kamɓe ɗiɗo ɓe njooɗodii, ɓe nyaamdi, ɓe njardi. Ndeen baaba debbo oon wi'i mo: — Accu mbaala ɗo, mbelna ɓernde maaɗa.

Ardiiɓe 19:8

Nyannde joyaɓerde du o ummii gilla beetee law faa o hoota, de baaba debbo oon wi'i mo: — Ndoomee seeɗa faa nyaamon, accee faa naange feewa de kooton. Ndeen ɓe keddii, ɓe nyalli ɗoon, ɓe nyaamdi kamɓe ɗiɗo.

Ruttu 3:7

Bo'as nyaami, yari, weltii, ummii, yehi fukkoyii ɗakkol joorde alkamaari muuɗum. Ndeen Ruttu du wari heese heese, sudditi koyɗe makko, de fukkii.