Ardiiɓe 18:30 - Dewtere Laamɗo Fulfulde Burkina Faso

³⁰ Ɓe ndarnani ko'e maɓɓe alla cehaaɗo oon, ɓe ngaɗi Lewinkeejo oon almaami maɓɓe. Innde makko wo Yonatan ɓii Gersom, taan Muusaa. Kanko e ɓiɓɓe makko laatanii lenyol Dan almaami'en faa nyalaande nde Israa'iilankooɓe nanngaa, njaaraa ley maccungaaku.

Ardiiɓe 18:30 ပူးပေါင်းရင်းမြစ်များ

2 Kaanankooɓe 15:29

Ley laamu makko, Tigilat-Pileser kaananke Asuura wari honi galluure Iyon e Abel-Bayti-Ma'aka e Yanoha e Kedes e Hasor e leydi Galaad e ndi Galili e ndi Naftali fuu. O nanngi yimɓe ɓeen fuu o yaari ɗum'en leydi Asuura.

2 Kaanankooɓe 17:18

Joomiraaɗo ɓernani ɓe sanne de riiwi ɓe yeeso muuɗum. Lenyol Yahuuda tan o acci.

2 Kaanankooɓe 17:20

Joomiraaɗo tottii yimɓe Israa'iila fuu de torri ɗum'en. O wattii ɓe e juuɗe fiya-teeta'en faa o riiwi ɓe yeeso makko.

2 Kaanankooɓe 17:22

Gilla ndeen Israa'iila'en ceedaay e hakkeeji ɗi Yerobo'am wattunoo ɗum'en ɗiin. Iɓe keddii e waɗude hakkeeji ɗiin,

2 Kaanankooɓe 17:23

faa nyannde Joomiraaɗo riiwi ɓe woɗɗini yeeso muuɗum hono no sapporinoo ɓe e kunnduɗe annabaaɓe muuɗum fuu noon. Wo noon Israa'iila'en ndiiwiraa leydi muɓɓen njaaraa leydi Asuura. Toon ɓe keddii faa warde hannden.

Wurtagol 18:3

e ɓiɓɓe makko worɓe ɗiɗo, gooto na wi'ee Gersom (ɗum na fiirta janano) sabo nde Muusaa rimananoo o ndeen, haalii wi'i: «Wo mi janano ley leydi njananndi.»

Wurtagol 2:22

Debbo oon rimani mo ɓiɗɗo gorko. Muusaa inndiri ɗum Gersom (ɗum woni beero), sabo o wi'itake: «Miin wo mi beero ley leydi njananndi».

Wurtagol 20:4

Taa ngaɗanaa hoore maaɗa tooruuji nanndinaaɗi e ko woni dow kammu naa e leydi naa ley ndiyam.

Lewinkooɓe 26:1

Taa ngaɗanon ko'e mooɗon allaaji goɗɗi. Taa ndarnanon ko'e mon tooruuji maa bimmbeeje kaaƴe wooɗi du, taa ndarnon kaaƴe cehaanɗe ley leydi mooɗon faa cujidanon ɗum. Miin woni Joomiraaɗo, Laamɗo mooɗon.

Fillitagol 27:15

Kuddi woodana neɗɗo fuu cehuɗo leggal naa tafuɗo njamndi waɗi tooru, ko harmi yeeso Joomiraaɗo, ko juuɗe tagaaɗo cehi de resi ɗum ley nokkuure suuɗiinde. Ndeen yimɓe fuu njaaboo mbi'a: «Aamiina.» —

Fillitagol 31:16

O haaldi e Muusaa o wi'i: — A ɓadake hawritoyde e maamiraaɓe maaɗa. Caggal ɗuum lenyol ngol, haɓɓondiran e allaaji janani, ɗum woni allaaji leydi ndi ɓe naatata ndiin. Ɓe njoppan kam, ɓe mbonnan amaana am mo kaɓɓidimmi e maɓɓe oon.

Fillitagol 31:29

Miɗo laamni gaɗa maayde am on laatoto laaliiɓe, on celan laawol ngol kollumi on de kawron e bone ley duuɓi garooji sabo on ngaɗowan ko boni yeeso Joomiraaɗo faa mettinon ɓernde muuɗum.

Ardiiɓe 13:1

Israa'iilankooɓe puɗɗiti katin waɗude ko boni yeeso Joomiraaɗo. Ndeen o watti ɓe e juuɗe Filistiyankooɓe, njarni ɓe bone faa waɗi duuɓi 40.

Ardiiɓe 17:3

Mika hokkiti innum buuɗi cardi 1.100 ɗiin. De inniiko oon wi'i: — Haya, mi hokkan ɗi Joomiraaɗo saabe ɓiyam. Mi waɗa ɗi ngaɗee natal allaaji e tooru siiwiraandu cardi. Wooɗi, joonin kaa mi yeccinan ɗi to ma.

Ardiiɓe 17:5

Tawi Mika ina woodi suudu dewal muuɗum. O sanyi saaya ka mawɓe diina ɓornotoo, o waɗi tooruuji cehaaɗi, ndeen o suɓii gooto hakkunde ɓiɓɓe makko laatoo almaami ley suudu makko.