Ardiiɓe 18:2 - Dewtere Laamɗo Fulfulde Burkina Faso

² Ɓe cuɓii hakkunde maɓɓe konunkooɓe njoyo, jeyaaɓe wuro Soreya e wuro Estayol, faa njaha kora leydi ndiin. Ɓe mbi'i ɗum'en: — Njehee koron leydi ndiin. Horooɓe njoyo ɓeen njehi faa to baamle Efrayim, de naati ley ɓaade Mika, mbaali toon.

Ardiiɓe 18:2 ပူးပေါင်းရင်းမြစ်များ

Fuɗɗoode 42:9

Ndeen Yuusufi miccitii koyɗi ɗi hoyɗunoo dow maɓɓe ɗiin, de wi'i ɓe: — Onon, wo on horooɓe leydi, on ngarii faa ndaaron lokkaaku leydi ndi.

Banndi 20:18

To tindinooɓe ngoni, ɗoon dabare adetee, jiɗɗo yaade konu, sanaa dabare lobbere.

Limle 13:17

Noon Muusaa neliri ɓe, ɓe korowa leydi Kanaana. O wi'i ɓe: — Ƴuuron horɗoore leydi ndiin de ƴeenyon baamle.

Luuka 14:31

Katin, si kaananke yehii faa habdowa e kaananke goɗɗo, wanaa o jooɗoto tafon o fonnda yalla worɓe makko ujunaaje sappo ɓeen ina mbaawi habdude e jogiiɗo worɓe ujunaaje noogayo?

Yoosuwa 15:33

Kuɓeeje maɓɓe gonɗe nder naɗɗol ɗeen ngoni: Estayol e Soreya e Asna,

Yoosuwa 19:41

Inan ko laatii ndongu maɓɓe nder leydi ndiin: Soreya e Estayol e Ir-Semes,

Yoosuwa 2:1

Nde yimɓe Israa'iila ngonnoo Sittim ndeen, Yoosuwa ɓii Nuun neli horooɓe ɗiɗo, wi'i ɗum'en: — Njehee, ndaarowee leydi ndiin e ngalluure Yeriko ndeen. Ɓe njehi. Nde ɓe njottinoo ngalluure Yeriko fu, ɓe njehi, ɓe naati ley suudu debbo woykuruujo, bi'eteeɗo Rahabu. Ɓe mbaali ɗoon.

Yoosuwa 2:2

Kaananke Yeriko humpitaa wi'aa: — Ley jemma o worɓe Israa'iila'en ngari faa kora leydi ndi.

Ardiiɓe 13:2

Ina woodi gorko gomma jeyaaɗo ngalluure Soreya ƴuuruɗo e lenyol Dan. Imo inndiree Manoha. Deekiiko wo dimaro, ɓe ngalaa ɓiɗɗo.

Ardiiɓe 13:25

Ruuhu Joomiraaɗo fuɗɗi gollude e makko nde o wonnoo ley wuro Mahane-Dan, hakkunde Soreya e Estayol ndeen.

Ardiiɓe 16:31

Caggal ɗuum sakiraaɓe makko e yimɓe suudu baabiiko fuu ngari kooƴi mo. Ɓe koori mo wuro, ɓe uwoyi mo hakkunde wuro Soreya e wuro Estayol, ley yanaande baabiiko Manoha. Samson ardake Israa'iilankooɓe faa waɗi duuɓi 20.

Ardiiɓe 17:1

Ina woodunoo gorko gomma jeyaaɗo leydi ngonndi dow baamle Efrayim, ina wi'ee Mika.

Ardiiɓe 18:11

Ndeen worɓe lenyol Dan 600, jogiiɓe kaɓitirɗe, ndilli Soreya e Estayol.

Ardiiɓe 18:13

Ɓe peƴƴiti toon, de ɓe ndewi baamle Efrayim, ɓe njottii suudu Mika.

Ardiiɓe 18:3

Wakkati ɓe ngonnoo ley suudu Mika ndeen, ɓe nani daande Lewinkeejo, ɓe annditiri mo e haala makko. Wakkati oon, ɓe ɓattiti, ɓe ƴami mo: — Moy waddi ma ɗo? Ɗume ngaɗataa ley nokku oo? Ɗume joƴƴini ma ɗo?

Ardiiɓe 18:8

Nde nelaaɓe ɓeen kootunoo to sakiraaɓe muɓɓen ley Soreya e Estayol fu, ɓeen ƴami ɗum'en: — Noy tawruɗon toon?

Ardiiɓe 19:1

Ley jamaanu mo leydi Israa'iila walaano kaananke ndeen, ina woodunoo Lewinkeejo gomma jooɗiiɗo gure gonɗe dow baamle Efrayim. O hooƴi debbo gomma ley wuro Baytilaama nder Yahuuda, oon laatanii mo nattaaɗo.

Ardiiɓe 19:18

Lewinkeejo oon jaabii mo, wi'i: — Wo Baytilaama nder Yahuuda min ƴuuri, miɗen ponndi joonin faa to toowti e ley baamle Efrayim. Wo toon du min njeyaa. Mi yehiino wuro Baytilaama, joonin miɗo yeccoo to suudu Joomiraaɗo. Ammaa walaa fuu jaɓɓiiɗo min nder suudu muuɗum faa min mbaala.