Ardiiɓe 17:5 - Dewtere Laamɗo Fulfulde Burkina Faso

⁵ Tawi Mika ina woodi suudu dewal muuɗum. O sanyi saaya ka mawɓe diina ɓornotoo, o waɗi tooruuji cehaaɗi, ndeen o suɓii gooto hakkunde ɓiɓɓe makko laatoo almaami ley suudu makko.

Ardiiɓe 17:5 ပူးပေါင်းရင်းမြစ်များ

Fuɗɗoode 31:19

Tawi Laban yehi hesoyde baali muuɗum. Nde ɓe ndillannoo ndeen, Rahiina wujji tooruuji bammum.

Fuɗɗoode 31:30

Joonin, aan a dillii sabo a muuyii yeccaade suudu bammaa sanne. De ko saabii mbujjuɗaa tooruuji am?

1 Kaanankooɓe 12:31

Yerobo'am waɗi du nokkuuje cakkirɗe, suɓii almaami'en hakkunde yimɓe ɓe njeyaaka e lenyol Lewi.

1 Kaanankooɓe 12:32

Ley lewru jeetataɓurdu, nyalaande sappo e joyaɓerde lewru nduun, Yerobo'am waɗi iidi, iri iidi gaɗeteeɗo ley Yahuuda. O waɗi kirsamaaji dow hirsirde. Noon o waɗiri Baytila toon du, imo hirsana nga'oy koy o tafi koy kirsamaaji. Baytila toon du, o joƴƴini almaami'en saabe nokkuuje cakkirɗe ɗe o waɗi ɗeen.

Isira 1:7

Ndeen Koores kaananke oon yaltini kujje ɗe Nebukannejar laaminooɗo Baabiila, ittunoo ley suudu Dewal Joomiraaɗo nder huɓeere Urusaliima, de yaari resowi ley suudu alla'en muuɗum.

Wurtagol 24:5

Ndeen o waɗi jokolɓe nanngi kalahali, kirsi. Goɗɗi majji laatii sadakaaji bulanteeɗi Joomiraaɗo, goɗɗi du sadakaaji dewral.

Wurtagol 28:15

Wooɗi, ngaɗaa basel kiite. Almaami haɓɓa ngel dow ɓernde muuɗum. Ngel sanyiree nyeenyal hono no saayo deketeengo dow, sanyiraango morri kaŋŋe e gaaraaji bulabulaaji e bojjitooji e boɗeeji coy e leppi ɗaatuɗi ngoon noon.

Wurtagol 28:4

Inan iri kaddule ɗe ɓe ngaɗata: basel ngel almaami haɓɓata dow ɓernde muuɗum e saayo deketeengo dow e saayo bulabulaawo e saayo tuppinaango ɓorneteengo ley e kufune e kaɓɓorgol. Ɓe ngaɗana Haaruuna e ɓiɓɓe muuɗum kaddule ceniiɗe saabe gollal almaamaaku yeeso am.

Wurtagol 29:9

Kaɓɓanaa Haaruuna e ɓiɓɓe muuɗum kaɓɓorɗi ɗiin de kippaa kufuneeje dow ko'e maɓɓe. Noon Haaruuna e ɓiɓɓe muuɗum kalfinirtee almaamaaku. Ɗum laatanoo ɓe kamɓe e ƴuwdi maɓɓe yamiroore faa abada.

Limle 3:10

Ndelle kakkilaa wooɗa, sabo Haaruuna tan e ɓiɓɓe muuɗum kalfinaa gollal almaamaaku ngaal. Si mo wanaa jeyaaɗo e maɓɓe naati ngal fu, wo bareteeɗo.

Ibraninkooɓe 5:4

Fay gooto waawaa hokkude hoore mum darja laataade Almaami Mawɗo. Sanaa tawa Laamɗo suɓii ɗum hono no suɓorii Haaruuna ni.

Ardiiɓe 17:4

Nde Mika hokkitinnoo innum cardi ndiin fu, oon itti buuɗi cardi 200 ley majji, yaari to bahillo faa waɗa nate allaaji e tooru siiwaandu. Caggal ɗuum ɓe ngaddi ɗi, ɓe ndesi ɗi nder suudu Mika.

Ardiiɓe 18:14

Caggal ɗuum, nelaaɓe njoyo yahunooɓe kori leydi Layis ɓeen, mbi'i sakiraaɓe muɓɓen: — Yalla oɗon anndi hakkunde cuuɗi ɗii ina woodi suudu ɗo saaya almaami'en e nate tooruuji e tooru sehaandu e tooru siiwiraandu cardi ngoni naa? Ndelle eɗen anndi faa wooɗi ko kaanɗen waɗude!

Ardiiɓe 18:24

O jaabii ɓe, o wi'i: — Hey! On kooƴii tooruuje am e almaami am, on ndillidi. Ɗume heddanii kam katin? Ndelle noy ƴamirton ko hewtii kam?

Ardiiɓe 18:30

Ɓe ndarnani ko'e maɓɓe alla cehaaɗo oon, ɓe ngaɗi Lewinkeejo oon almaami maɓɓe. Innde makko wo Yonatan ɓii Gersom, taan Muusaa. Kanko e ɓiɓɓe makko laatanii lenyol Dan almaami'en faa nyalaande nde Israa'iilankooɓe nanngaa, njaaraa ley maccungaaku.

Ardiiɓe 8:27

Ndeen, Gedeyon hooƴi kootonɗe kaŋŋe ɗeen, waɗi tooru, darni ndu ley Ofera nder ngalluure muuɗum. Caggal ɗuum, yimɓe Israa'iila fuu puɗɗi sujidande tooru nduun. Ɓe tuuniniri ko'e maɓɓe e sujidande ndu. Ɗum laatanii Gedeyon e yimɓe wuro muuɗum fuu tuugol.

1 Samuwiila 19:13

Ndeen Mikal wallini tooru dow leeso, suddi ndu kaddungal, de watti leeɓi mbeewa faro to hoore hetti.

1 Samuwiila 23:6

Tawi Abiyatar ɓii Ahimelek yaadiinoo e kaddungal almaamaaku wakkati mo doggunoo Sawulu faa yaha to Daawda wuro Keyila.