Ardiiɓe 15:5 - Dewtere Laamɗo Fulfulde Burkina Faso

⁵ O huɓɓi huɗo koon, ndeen o yoofi ɗi nder gese alkamaari Filistiyankooɓe. Noon o wuliri kaɓɓe alkamaari taƴaandi e ndi taƴaaka tafon, e gese cabiije e leɗɗe jaytun du fuu.

Ardiiɓe 15:5 ပူးပေါင်းရင်းမြစ်များ

2 Samuwiila 14:30

Ndeen Absalom wi'i maccuɓe mum: — Ndaaree ngesa Yo'ab ngonnga ɗakkol ngesa am ngaan. Nga ɓenndi. Njehee, mbulee nga. Nii maccuɓe Absalom mbuliri ngesa ngaan.

Wurtagol 22:6

Si neɗɗo halfinii goɗɗo ceede, naa goɗɗum feere, de ɗum wujjaa ley wuro kalfinaaɗo oon, si gujjo oon nanngaama fu, sey yoɓa hono majjum kile ɗiɗi.

Wurtagol 23:11

Ammaa ndunngu njeɗɗaɓu nguun kaa, a jeyaa remude nga. Accanaa nga talkaaɓe ley lenyol maaɗa. Ko heddii du, daabaaji ladde nyaama. Noon ngaɗirtaa ngesa maaɗa inabooje e nga jaytun fuu.

Ardiiɓe 15:4

Ndeen o yehi, o nanngi baagaaji 300, o haɓɓondiri lacce majji, ɗiɗi ɗiɗi. Caggal ɗuum, o moori huɗo, o haɓɓi ko hakkunde lacce ɗeen.

Ardiiɓe 15:6

Nde Filistiyankooɓe nji'unoo ɗum fu, ƴami: — Wo moy golli en ɗum? Ɓe kumpitaa: — Wo Samson, esoo gorko jooɗiiɗo ley Timna oon. Sabo oon hooƴi deekiiko de hokkitiri ɗum yigiiko gondunooɗo e makko ley ɓanngal oon. Ndeen Filistiyankooɓe njehi mbuli debbo oon e baaba muuɗum fuu.