Ardiiɓe 13:6 - Dewtere Laamɗo Fulfulde Burkina Faso

⁶ Ndeen, debbo oon yehi haalani gorum, wi'i: — Nelaaɗo Laamɗo warii to am! Imo nanndi e maleyka Laamɗo, kulɗiniiɗo sanne. Mi ƴamaay to o ƴuuri, kanko du, o hollaay innde makko.

Ardiiɓe 13:6 ပူးပေါင်းရင်းမြစ်များ

Fuɗɗoode 18:2

O ɓanti gite makko, o yi'i worɓe tato ina ndarii yeeso makko. Nde o yi'unoo ɓe fu, o harii, o ummii dammbugal hukum ɗoon, o doggi o jakkitowii ɓe. O hippii yeeso maɓɓe, o wi'i:

Fuɗɗoode 32:29

Oon wi'i: — A inndirtaake Yaakuuba katin. A noddirte Israa'iila sabo a durwidii e Laamɗo, wooɗi a durwidii e yimɓe du, de keɓuɗaa barke.

1 Kaanankooɓe 17:18

Ndeen inna suka oon wi'i Iliyaasa: — Nelaaɗo Laamɗo, ɗume waddondiri en? Yalla a waraanaa ɗo am faa miccintina Laamɗo hakkeeji am, de wara ɓiyam naa?

1 Kaanankooɓe 17:24

Ndeen debbo oon wi'i Iliyaasa: — Joonin kaa mi annditi wo a Nelaaɗo Laamɗo, haala Joomiraaɗo ka kaalata kaan, wo ngoongalaaha.

2 Kaanankooɓe 4:16

Elisey wi'i mo: — Mawuuri hono wakkati o, tawan aɗa wuundi ɓiɗɗo gorko e junngo maaɗa. Debbo oon jaabii mo wi'i: — A'aa! Joomam Nelaaɗo Laamɗo, taa fenan ɓiya debbo!

2 Kaanankooɓe 4:9

Nyannde gomma debbo oon wi'i gorum: — Miɗo anndi gorko garoo ɗo meeɗen wakkati fuu oon wo ceniiɗo, Nelaaɗo Laamɗo.

Wurtagol 3:2

Maleyka Joomiraaɗo ɓangani mo ley lewngol yiite hakkunde wuumoore. O haynii, o yi'i inan wuumoore ina huɓɓa ammaa yiite ngeen nyaamata nde.

Wurtagol 3:6

O wi'i katin: — Miin woni Laamɗo baaba maaɗa, Laamɗo Ibrahiima e Isiyaaka e Yaakuuba. Ndeen Muusaa suddi yeeso muuɗum sabo hulii ndaarude Laamɗo.

Luuka 1:19

Maleyka oon jaabii mo, wi'i: — Miin woni Jibiriilu ɗakkiiɗo Laamɗo, mi nulaaɗo to maaɗa faa mi haalane kabaaru lobbo o.

Luuka 9:29

Nde o du'otonoo ndeen, yeeso makko waylitii, kaddule makko ndawni far faa ina njalba.

Golle Nelaaɓe 6:15

Saahiiɓe jooɗiiɓe ɗoon ɓeen fuu ndaari Etiyen faa wooɗi, nji'i yeeso makko ina wa'i hono yeeso maleyka ni.

Fillitagol 33:1

Inan no Muusaa nelaaɗo Laamɗo oon barkiniri Israa'iila'en de caggal ɗuum dilli adunaaru.

1 Timote 6:11

Aan neɗɗo Laamɗo kaa, doggu, mboɗɗoɗaa kulle ɗeen. Piloɗaa fonnditaare e kulol Laamɗo e goonɗinal e njinngu e munyal e leeƴinkinaare.

Yoosuwa 14:6

Nyannde gomma yimɓe Yahuuda ngari to Yoosuwa ley Gilgal. Gooto maɓɓe wo Kaalibu ɓii Yefunne Kenijiyankeejo. Oon wi'i mo: — Aɗa anndi ko Joomiraaɗo wi'unoo Muusaa maccuɗo muuɗum dow meeɗen, miin e maaɗa ley Kaades-Barneya.

Holleede 1:17

Nde nji'unoomi mo ndeen, caamumi yeeso makko hono wo mi maayɗo. Ammaa o yowi junngo makko nyaamo dow am, o wi'i: — Taa hulu! Miin woni arandeejo, miin woni cakitotooɗo,

Ardiiɓe 13:10

Ndeen o doggi law, o noddi ɗum, o wi'i: — Inan! Neɗɗo garunooɗo to am nyannden oon ɓanganii kam katin!

Ardiiɓe 13:22

O wi'i deekiiko oon: — Sikke walaa, en maayan sabo en nji'ii Laamɗo!

Ardiiɓe 13:3

Nyannde gomma, maleyka Joomiraaɗo ɓangani debbo oon, wi'i ɗum: — Aan wo a dimaro, abada a rimaay. Ammaa a heɓan reedu, a riman ɓiɗɗo gorko.

Ardiiɓe 13:7

Ammaa o wi'ii kam, mi heɓan reedu, mi riman ɓiɗɗo gorko. Saabe majjum mi yarataa ndiyam lamminaaɗam naa doro katin. Mi nyaamataa du ko harminaa, sabo suka oon laatoto cenaaɗo, cuɓaaɗo Laamɗo gilla nder reedu am, faa nyannde maayde makko.

Ardiiɓe 13:8

Caggal ɗuum, Manoha ŋaarii Joomiraaɗo, wi'i: — Joomiraaɗo, miɗo nyaage, accu neɗɗo mo nelɗaa oon wara to amin katin faa ekintina min no min njogortoo suka dimeteeɗo oon.

Ardiiɓe 6:11

Ndeen maleyka Joomiraaɗo wari jooɗii ɗakkol lekki mawki ngonki ley ngalluure Ofera ki Yowas Abiyejerankeejo jeyi. Ɗoon ɓiyiiko tappannoo alkamaari nder ngayka to ɓe njaaɓata ɓiɓɓe cabiije faa suuɗa ndi Madiyankooɓe. Innde makko wo Gedeyon.

1 Samuwiila 2:27

Wooɗi, neɗɗo Laamɗo warii to Eli, wi'i: — Inan ko Joomiraaɗo wi'i: «Wanaa mi ɓanginanii suudu bammaa hoore am nde ɓe ngonnoo ley leydi Misira to Fira'awna naa?

1 Samuwiila 9:6

Ammaa maccuɗo oon wi'i: — Hettinda, ley ngalluure nde na woodi neɗɗo Laamɗo, kanko wo o tedduɗo, huunde fuu ko o wi'i laatoto. Accu njehen to makko. Hasii o haalanan en to nji'eten araaji men.