Ardiiɓe 13:3 - Dewtere Laamɗo Fulfulde Burkina Faso

³ Nyannde gomma, maleyka Joomiraaɗo ɓangani debbo oon, wi'i ɗum: — Aan wo a dimaro, abada a rimaay. Ammaa a heɓan reedu, a riman ɓiɗɗo gorko.

Ardiiɓe 13:3 ပူးပေါင်းရင်းမြစ်များ

Fuɗɗoode 17:16

Mi barkinan o, mi hokkete ɓiɗɗo gorko ƴuuroowo e makko. Mi barkinan o, o laatoto inna lenyi keewɗi. Laamiiɓe lenyi keewɗi njaltan e makko.

Fuɗɗoode 18:10

Gooto e maɓɓe wi'i: — Mi yeccoto ɗo maa mawuuri hono wakkati oo, tawa Saaratu jom suudu maa oon heɓii ɓiɗɗo gorko. Saaratu nani, tawi ina wonnoo dammbugal hukum caggal makko.

Fuɗɗoode 18:14

Yalla na woodi ko tiiɗani Joomiraaɗo naa? Mi wartan to maaɗa mawuuri hono wakkati oo, tawa Saaratu heɓii ɓiɗɗo gorko.

2 Kaanankooɓe 4:16

Elisey wi'i mo: — Mawuuri hono wakkati o, tawan aɗa wuundi ɓiɗɗo gorko e junngo maaɗa. Debbo oon jaabii mo wi'i: — A'aa! Joomam Nelaaɗo Laamɗo, taa fenan ɓiya debbo!

Luuka 1:11

Wakkati oon maleyka Joomiraaɗo ɓangani mo, ina darii gere nyaamo nokkuure urirde ndeen.

Luuka 1:13

Maleyka oon wi'i mo: — Jakariyaa taa hulu, sabo du'aare maa jaabaama. Deeka Elisabet rimante ɓiɗɗo gorko, inndiraa ɗum Yaayaa.

Ardiiɓe 13:10

Ndeen o doggi law, o noddi ɗum, o wi'i: — Inan! Neɗɗo garunooɗo to am nyannden oon ɓanganii kam katin!

Ardiiɓe 13:15

Ndeen Manoha wi'i maleyka Joomiraaɗo oon: — Miɗen ŋaare, munyaa seeɗa faa min ndefane be'el.

Ardiiɓe 13:6

Ndeen, debbo oon yehi haalani gorum, wi'i: — Nelaaɗo Laamɗo warii to am! Imo nanndi e maleyka Laamɗo, kulɗiniiɗo sanne. Mi ƴamaay to o ƴuuri, kanko du, o hollaay innde makko.

Ardiiɓe 13:8

Caggal ɗuum, Manoha ŋaarii Joomiraaɗo, wi'i: — Joomiraaɗo, miɗo nyaage, accu neɗɗo mo nelɗaa oon wara to amin katin faa ekintina min no min njogortoo suka dimeteeɗo oon.

Ardiiɓe 2:1

Joonin, maleyka Joomiraaɗo ummii gilla Gilgal yehi Bokim. O wi'i Israa'iilankooɓe: — Wo miin wurtini on leydi Misira, waddi on nder leydi ndi kunaniimi maamiraaɓe mooɗon mi hokkan ɗum'en. Katin du, wo miin wi'unoo mi halkataa amaana mo ngaddumi e mooɗon oon faa abada.

Ardiiɓe 6:14

Ndeen maleyka Joomiraaɗo hucciti to makko wi'i: — Yaadu e semmbe mo njogiɗaa oon, kisinira Israa'iila e juuɗe Madiyankooɓe. Wo miin neli ma.

1 Samuwiila 1:20

ɓooyaay de o reedi, o rimi ɓiɗɗo gorko. O inndiri ɗum Samuwiila sabo o wi'ii, «Mi ŋaarake Joomiraaɗo ɓiɗɗo oon.»