Ardiiɓe 13:20 - Dewtere Laamɗo Fulfulde Burkina Faso

²⁰ Wakkati ɗemngal yiite ƴuurunoo e hirsirde ndeen, fondii dow fu, inan, maleyka Joomiraaɗo oon naati ley yiite ngeen, rewi dow. Nde Manoha e deekum njiinoo ɗum fu, kippi geese muɓɓen e leydi.

Ardiiɓe 13:20 ပူးပေါင်းရင်းမြစ်များ

Fuɗɗoode 17:3

Abram hippi yeeso muuɗum dow leydi. Laamɗo haaldi e makko katin wi'i:

2 Kaanankooɓe 2:11

Wakkati ɓe ngonnoo iɓe pilloo dow laawol ndeen, torkooru e pucci yiite njottii cenndi ɓe. Duluuru mawndu ɓanti Iliyaasa dow.

1 Kabaaruuji Laamiiɓe 21:16

Daawda ɓanti gite muuɗum de yi'i nelaaɗo Joomiraaɗo oon hakkunde kammu e leydi na foorti kaafaahi muuɗum dow Urusaliima. Ndeen Daawda e mawɓe Israa'iila caami e leydi, tawi na ɓorninoo kaddule bootooji.

1 Kabaaruuji Laamiiɓe 21:21

Nde Daawda yottinoo ɗakkol makko ndeen, Ornan oon ɓanti gite muuɗum de yi'i ɗum. O wurtii ƴarorde ndeen, o hofowii yeeso Daawda, tiinde makko na tikki e leydi.

1 Kabaaruuji Laamiiɓe 21:26

O nyiɓani Joomiraaɗo sakkirde ɗoon. O sakki sadakaaji buleteeɗi e sadakaaji dewral de o noddi Joomiraaɗo. Kam du, jaabii o, waɗi yiite ƴuuri kammu jippii dow sakkirde sadakaaji buleteeɗi ndeen.

Lewinkooɓe 9:24

Yiite ƴuuri to Joomiraaɗo, nyaami kirsamaari ndiin e ɓelle ɗeen fuu dow sakkirde ndeen. Nde yimɓe ɓeen nji'unoo ɗum fu, ilinii, kippii e leydi.

Matta 17:6

Nde taalibaaɓe ɓeen nannoo daande ndeen fu, kippi geese muɓɓen e leydi. Ɓe kuli sanne.

Ibraninkooɓe 1:3

Ɓiyiiko oon na yaynira teddeengal Laamɗo. Alhaali makko ina foti e Laamɗo jaati. Imo heɓindorii huunde fuu e konngol makko jogiingol semmbe. Caggal ko o tilii laaɓinde hakkeeji yimɓe ɗuum, o jooɗii gere nyaamo Laamɗo jom manngu to dow kammu toon.

Ardiiɓe 6:19

Gedeyon yehi hirsi be'el, de jongi ngel, hooƴi conndi kilooji 30 ndi walaa rabilla, waɗi ɗum buuru. O watti teewu nguun nder hanndeere, ndiyam teewu ɗaam du nder fayande. Caggal ɗuum, o waddi ɗum to maleyka Joomiraaɗo ley lekki mawki ɗoon.

Ardiiɓe 6:21

Ndeen maleyka Joomiraaɗo meemiri ɗum hoore sawru muuɗum, de wakkati gooto yiite wurtii e hayre ndeen, wuli teewu nguun e buuruuje ɗeen! Wakkati gooto, maleyka oon lalli e gite makko.