Ardiiɓe 11:27 - Dewtere Laamɗo Fulfulde Burkina Faso

²⁷ Minen, min ngaɗaay ma fu ko boni. Aan woni gaɗoowo min ko boni saabe ko kaɓataa e amin ɗuum. Hannden Joomiraaɗo kiitotooɗo, hiito hakkunde meeɗen, minen Israa'iilankooɓe e onon Amoninkooɓe.»

Ardiiɓe 11:27 ပူးပေါင်းရင်းမြစ်များ

Fuɗɗoode 16:5

Ndeen Saaray haaldi e Abram, wi'i: — Mettorgal kewtiingal kam ngaal to maaɗa ƴuuri! Wo miin watti korɗo am e juuɗe maaɗa. Ammaa nde famunoo hooƴii reedu ndeen, fuɗɗi huyfinde kam. Joomiraaɗo saroo hakkunde am e maaɗa.

Fuɗɗoode 18:25

A'aa! A wanaa ngaɗoowo iri ɗuum! A halkidataa ponnditiiɗo e oonyiiɗo. Abada a fonndataa njoɓdi ponnditiiɗo e ndi bonɗo! Aan carotooɗo adunaaru fuu oon, a sarorto dartaare!

Fuɗɗoode 31:53

Laamɗo Ibrahiima e Laamɗo Nahor e Laamɗo baabiiɓe saroo hakkunde men. Yaakuuba hunorii innde Laamɗo mo bammum Isiyaaka hulata oon.

Ayuuba 23:7

Toon dartiiɗo waawan haaldude e makko, carotooɗo kam oon yoofan kam faa abada.

Ayuuba 9:15

Fay ko njeymi goonga mi fotaay jaabaade mo, sanaa mi nyaagoo kiitotooɗo oon yurmoo kam.

Tindinoowo 11:9

Hey jokolle, mbeltoɗaa ley njokollaaku maaɗa fuu, njokkaa ko weli ɓernde maa e ko gite maa nji'i na njiɗi fuu, ammaa taa njeggitaa Laamɗo kiitotooɗo oon ƴamoyte ko ngaɗuɗaa fuu.

Tindinoowo 12:14

Sabo Laamɗo saroto gollal fuu fay cuuɗiingal, yalla wo lobbal naa bonngal.

2 Korintunkooɓe 11:11

Yalla miɗo haalira noon sabo mi yiɗaa on naa? Laamɗo ina anndi miɗo yiɗi on!

2 Korintunkooɓe 5:10

Sabo ina tilsi en fuu ndaroɗen yeeso Almasiihu faa careɗen, faa mono fuu heɓa mbarjaari golleeji muuɗum gaɗooji e ɓanndu ndu, nde wo ko wooɗi naa ko boni.

2 Timote 4:8

Gilla joonin miɗo resanaa mbarjaari fonnditaare ndi Joomiraaɗo carotooɗo ponnditiiɗo oon hokkata kam nyannde darngal. Wanaa miin tan hokketee, de wo miin e heppuɓe gartol makko ɓeen fuu.

Ibraninkooɓe 12:23

On ngarii e kawrital ɓiɓɓe arandeeɓe ɓe inɗe muɓɓen mbinndaa dow kammu ɓeen. On ngarii to Laamɗo carotooɗo yimɓe fuu oon, on ngarii e yonkiiji fonnditiiɓe laatiiɓe hiɓɓuɓe ɓeen.

Ardiiɓe 11:28

Ammaa kaananke Amoninkooɓe oon hettindaaki ko nelaaɓe Yefta ɓeen mbi'i.

1 Samuwiila 2:10

Wayɓe Joomiraaɗo kelete kelte kelte, o rigginan kammu dow maɓɓe. Joomiraaɗo saroto haddu adunaaru fuu. O hokkan laamiiɗo makko semmbe, o toownan semmbe cuɓaaɗo makko.

1 Samuwiila 24:12

Ndaar! Baabam, ndaar tayre saaya maaɗa ley junngo am. Mi taƴii hoore kommbol saaya maaɗa de mi waraay ma. Faamu ndelle faa annditaa bonanda naa muurtere fuu walaa e am. Ammaa e ɗum fuu, aɗa riiwa kam faa mbaraa kam.

1 Samuwiila 24:13

Joomiraaɗo saro hakkunde am e maaɗa. Joomiraaɗo yomnito baasiiji ɗi ngaɗuɗaa kam, ammaa junngo am meemataa ma.

1 Samuwiila 24:15

Moy kaananke Israa'iila wurtii faa riiwa? Moy ndiiwataa? Miin mo ɓuraa rawaandu waatundu naa? Miin kootu naa?

1 Samuwiila 24:16

Joomiraaɗo laatoo carotooɗo de yomnitoo hakkunde meeɗen. Joomiraaɗo ndaara ɗum, de laamna kam, danna kam e junngo maaɗa.