Ardiiɓe 11:10 - Dewtere Laamɗo Fulfulde Burkina Faso

¹⁰ Ɓe mbi'i mo: — Joomiraaɗo laatoo seede hakkunde meeɗen, min ngaɗan ko mbiiɗaa fuu.

Ardiiɓe 11:10 ပူးပေါင်းရင်းမြစ်များ

Fuɗɗoode 16:5

Ndeen Saaray haaldi e Abram, wi'i: — Mettorgal kewtiingal kam ngaal to maaɗa ƴuuri! Wo miin watti korɗo am e juuɗe maaɗa. Ammaa nde famunoo hooƴii reedu ndeen, fuɗɗi huyfinde kam. Joomiraaɗo saroo hakkunde am e maaɗa.

Fuɗɗoode 21:23

Joonin kaa, hunanam dow innde Laamɗo, a jambataako kam, a jambataako ɓiɓɓe am, a jambataako taaniraaɓe am, saabe mbooɗirka ka ngaɗanmaami kaan. Hunanam a moƴƴanan kam miin e leydi ndi koɗuɗaa e mum ndiin hono no moƴƴirammaami noon.

Fuɗɗoode 31:50

Si a torrii ɓiɓɓe am rewɓe ɓe, naa a nawlirii ɓe, fay si fay gooto yi'ataa ma, anndu, Laamɗo wo seedee hakkunde men.

Fuɗɗoode 31:53

Laamɗo Ibrahiima e Laamɗo Nahor e Laamɗo baabiiɓe saroo hakkunde men. Yaakuuba hunorii innde Laamɗo mo bammum Isiyaaka hulata oon.

Wurtagol 20:7

Taa noddaa innde am ɓolum, miin Joomiraaɗo, Laamɗo maaɗa, sabo mi accataa pijirɗo innde am ɓolum.

Romankooɓe 1:9

Laamɗo mo ndewammi e ɓernde am fuu e ko ngollanammi Kabaaru Lobbo haala Ɓiyum ɗuum, wo seedee miɗo miccoo on wakkati fuu

2 Korintunkooɓe 11:31

Jettooje ngoodanii Laamɗo Baaba Iisaa Joomiraaɗo meeɗen faa abada. Kam anndi mi fenaay.

Fillitagol 1:16

Wakkati oon inan yamiroore nde kokkumi sarotooɓe mooɗon ɓeen: kettindanoɗon sakiraaɓe mooɗon de cariron laaɓal hakkunde neɗɗo e sakiike muuɗum naa janano.

Ardiiɓe 11:9

Yefta wi'i: — Wooɗi, yalla si on koorii kam wuro saabe wolde Amoninkooɓe, de Joomiraaɗo hokki kam jaalagol dow maɓɓe, mi laatoto hooreejo mooɗon naa?

1 Samuwiila 12:5

Samuwiila wi'i ɓe: — Joomiraaɗo wo seedee dow mooɗon, cuɓaaɗo muuɗum du wo seedee hannden dow ko on tawaay fay huunde e am. Ɓe mbi'i: — Kanko wo o seedee.

1 Samuwiila 24:12

Ndaar! Baabam, ndaar tayre saaya maaɗa ley junngo am. Mi taƴii hoore kommbol saaya maaɗa de mi waraay ma. Faamu ndelle faa annditaa bonanda naa muurtere fuu walaa e am. Ammaa e ɗum fuu, aɗa riiwa kam faa mbaraa kam.