Ardiiɓe 10:16 - Dewtere Laamɗo Fulfulde Burkina Faso

¹⁶ Wakkati oon, ɓe itti allaaji janani ɗiin hakkunde maɓɓe, ɓe ɗowtanii Joomiraaɗo. Kanko du ɓernde makko mettani torra mo ɓe torretee oon.

Ardiiɓe 10:16 ပူးပေါင်းရင်းမြစ်များ

Fuɗɗoode 6:6

Joomiraaɗo mimsiti ko tagannoo neɗɗo ley adunaaru. Ɓernde muuɗum metti sanne.

2 Kaanankooɓe 13:23

Ammaa Joomiraaɗo yurmake ɓe, hollii ɓe moƴƴere muuɗum saabe amaana mo waddunoo e Ibrahiima e Isiyaaka e Yaakuuba. O muuyaay halkude ɓe wooɗi du, o muuyaay riiwude ɓe ɗakkol makko faa warde hannden.

Luuka 15:20

Jonle o ummii, o fonndii to baabiiko. Gilla imo woni to woɗɗi, baabiiko oon haccii mo, yurmii mo sanne, doggi, gorfi mo, muccii mo.

Luuka 19:41

Iisaa ɓattii ngalluure ndeen. Nde o ndaarunoo nde fu, o woyi nde,

Yuhanna 11:34

O wi'i: — Toy ndesuɗon mo? Ɓe njaabii: — Joomii amin, war ndaar!

Efeesunkooɓe 4:32

Moƴƴunduree hakkunde mooɗon, njurmunduron, njaafunduron hono no Laamɗo yaaforii on saabe kawtal mooɗon e Almasiihu ni.

Fillitagol 32:36

Joomiraaɗo saranan yimɓe muuɗum, yurmoto gollanooɓe ɗum, nde taykowii semmbe muɓɓen re'ii, wakkati maccuɗo walaa, dimo walaa.

Ibraninkooɓe 3:10

Saabe ɗuum tikkiranmi yimɓe jamaanu oon, mbiimi: wakkati fuu ɓerɗe maɓɓe ina ndunƴa ɓe e majjere, ɓe anndaa laabi am fey!

Ibraninkooɓe 4:15

Almaami Mawɗo meeɗen oon, wanaa neɗɗo mo waawaa yurmaade en e lokkaaku meeɗen. O jarribaama no heɓiraa fuu no njarriboraɗen ni, ammaa o waɗaay hakke.

Yoosuwa 24:23

Yoosuwa wi'i ɓe: — Si wo noon fu, ittee allaaji janani gonɗi hakkunde mooɗon ɗiin. Ngartiree ɓerɗe mon to Joomiraaɗo, Laamɗo Israa'iila.

Ardiiɓe 2:18

Nde Joomiraaɗo nani uumaali maɓɓe ley torraaji yimɓe ɓillooɓe ɓe fu, yurmoto ɓe. Ndeen o hokka ɓe ardiiɗo, o wonndu e makko du. Joomiraaɗo ina danna ɓe e juuɗe wayɓe maɓɓe haddi balɗe ardiiɗo oon fuu.

1 Samuwiila 12:10

Ndeen ɓe mbullani Joomiraaɗo, ɓe mbi'i: «Min ngaɗii hakke, min njoppii Joomiraaɗo de min ndewi alla'en e tooruuji Astarta. Joonin kaa ndannaa min e juuɗe wayɓe min, de min ɗowtane.»

1 Samuwiila 7:3

Ndeen Samuwiila wi'i yimɓe Israa'iila fuu: — Si on ngartii to Joomiraaɗo e ɓerɗe mooɗon fuu, sanaa mboɗɗoɗon alla'en woɓɓe e tooru wi'eteendu Astarta hakkunde mooɗon. Sanaa ponndinon ɓerɗe mooɗon to Joomiraaɗo, ɗowtanoɗon ɗum kam tan. Ndeen o dannan on e juuɗe Filistiyankooɓe.

1 Samuwiila 7:4

Ndelle Israa'iila'en mboɗɗii alla'en e tooruuji Astarta, ɓe ɗowtanii Joomiraaɗo tan.