Ardiiɓe 10:13 - Dewtere Laamɗo Fulfulde Burkina Faso

¹³ Ammaa e noon fu, on njoppii kam, on ɗowtanake allaaji goɗɗi. Saabe ɗuum, mi hisintaa on katin.

Ardiiɓe 10:13 ပူးပေါင်းရင်းမြစ်များ

1 Kabaaruuji Laamiiɓe 28:9

Aan Suleymaana, suka am, anndaa Laamɗo am miin baaba maaɗa, de ngolliranaa ɗum e ɓernde ma fuu, e yonki ma fuu sabo Joomiraaɗo na hiinya ɓerɗe fuu, na anndi miilooji fuu. Si a filake o fu, o accan njiitaa o. Si a tottitake o du, o faɗɗete faa abada.

Yuunusa 2:8

Nde yonki am nesunoo dillude ndeen, miccitimaami, aan Joomiraaɗo am. Wooɗi du'aare am du yottake to maaɗa, to suudu maaɗa Seniindu nduun.

Fillitagol 32:15

Ammaa nde Yesurun haarunoo faa fayi fu, ummanii Joomiraaɗo. On payii, on tekkii, on ngaɗii deedi. Ndeen njoppuɗon Laamɗo taguɗo on oon, kuyfinɗon Tefaare kisindam mooɗon ndeen.

Ardiiɓe 10:14

Njehee mbullowee allaaji ɗi cuɓiɗon ɗiin, ɗi kisina on e ɓillaare mooɗon.

Ardiiɓe 2:12

Ɓe njoppi Joomiraaɗo, Laamɗo maamiraaɓe maɓɓe, burtinɗo ɓe e leydi Misira oon. Ɓe ɗowtanii allaaji goɗɗi ɗi lenyi piiliiɗi ɓe. Ɓe cujidani ɗi, ɓe ɓernini Joomiraaɗo.

Ardiiɓe 2:19

Ammaa nde ardiiɗo oon maayi fu, ɓe coƴƴoto e waɗude hakkeeji ɓurɗi ɗi maamiraaɓe maɓɓe ngaɗunoo arande ɗiin. Iɓe ndewa allaaji goɗɗi, iɓe ɗowtanoo ɗi, iɓe cujidana ɗi. Ɓe njoorni ɓerɗe maɓɓe, ɓe catti e waɗude golleeji bonɗi.