Ardiiɓe 1:19 - Dewtere Laamɗo Fulfulde Burkina Faso

¹⁹ Joomiraaɗo ina wondi e yimɓe Yahuuda. Ɓe ndiiwi jooɗiiɓe dow baamle ɓeen, ammaa yimɓe jooɗiiɓe nder naɗɗi, jogiiɓe torkooji pucci ngaɗiraaɗi njamndi ɓeen kaa, ɓe ndonki riiwude ɗum'en.

Ardiiɓe 1:19 ပူးပေါင်းရင်းမြစ်များ

Fuɗɗoode 39:2

Joomiraaɗo ina wondi e Yuusufi, huunde fuu na gasana ɗum. O jooɗii ley ɓaade joomiiko Misiranke oon.

Fuɗɗoode 39:21

ammaa Joomiraaɗo wondi e makko, waɗani o moƴƴere. O waɗi hooreejo kasu oon du yiɗi Yuusufi, laatanii ɗum moƴƴuɗo.

2 Samuwiila 5:10

Daawda na ɓeyda semmbe wakkati fuu sabo Joomiraaɗo, Laamɗo Jom Kammu e Leydi ina wondi e muuɗum.

2 Kaanankooɓe 18:7

Joomiraaɗo du na wondi e makko. O heɓi barke golleeji makko fuu. O muurtani kaananke Asuura de seli dawrande mo.

Tindinoowo 9:11

Mi ndaarii goɗɗum katin ley sorndu naange ndu: tawumi wanaa waaƴiɗinɓe ndaɗata ley doggudu, wanaa semmbinɗinɓe njaalotoo konu, wanaa hakkilante'en njogii neema, wanaa jom'en paamal ngoodi jawdi, wanaa jom'en anndal kinnetee, ɗum fuu sanaa nde wakkati e saa'a majjum wari.

Matta 1:23

«Surbaajo mo anndaa gorko reedan, rima ɓiɗɗo gorko. O inndirte Imanuwel.» Maanaa innde ndeen wo: «Laamɗo ina wondi e meeɗen».

Romankooɓe 8:31

Caggal ɗuum fuu, ɗume mbi'eten? Si Laamɗo ina wondi e meeɗen, moy waawani en?

Filipiyankooɓe 4:13

Miɗo waawi fuu e ley kawtal am e Iisaa Almasiihu kokkoowo kam semmbe oon.

Yoosuwa 1:5

Haddu nguurndam maa fuu walaa darotooɗo yeeso maa. Mi wondan e maaɗa hono no ngondirnoomi e Muusaa ni. Mi woɗɗataako ma, mi yoppataa ma feere maa.

Yoosuwa 1:9

Wanaa miin yamiri ma cemmbinɗinaa hoore maa, cemmbinɗinaa ɓernde maa du naa? Taa accu kulol nannge, sabo miin Joomiraaɗo, Laamɗo maaɗa miɗo wondi e maaɗa nokku fuu to njahataa.

Yoosuwa 14:12

Ndelle, hokkam leydi ngonndi dow baamle ndi Joomiraaɗo aadinoo hokkan kam nyannde majjum ndiin. Si goonga, nde njaanoɗen ndeen, aɗa anndi no tawruɗen lenyol Anakinkooɓe wonɓe toon, kam'en e galluuje muɓɓen cemmbiɗinɗe ɗeen. Ammaa si Joomiraaɗo jaɓii wondude e am fu, mi riiwan ɓe hono no wiirunoo noon.

Yoosuwa 6:27

Joomiraaɗo ina wondi e Yoosuwa, kabaaru makko sankitii nokku fuu nder leydi ndiin.

Yoosuwa 7:12

Saabe majjum yimɓe Israa'iila mbaawataa daraade yeeso wayɓe muɓɓen katin. Ɓe ndoggan yeeso ɓeen. Ɓe ngaddanii ko'e maɓɓe halkere. Mi wondataa e mooɗon si on ittaay ko harmi ɗum ley mooɗon.

Ardiiɓe 1:2

Joomiraaɗo jaabii ɓe, wi'i: — Lenyol Yahuuda artoo yaha. Inan mi wattii leydi ndiin e juuɗe maɓɓe.

Ardiiɓe 4:13

Ndeen Sisera noddi tayre sordaasiiɓe wonduɓe e muuɗum ɓeen fuu, e torkooji pucci muuɗum 900 gaɗiraaɗi njamndi ɓaleeri. Ɓe ummii gilla Haroset-Goyim, ɓe njehi faa gooruwol Kison.

Ardiiɓe 4:3

Ina woodi torkooji pucci 900 gaɗiraaɗi njamndi ɓaleeri. O torri Israa'iilankooɓe torra naawɗo sanne faa waɗi duuɓi 20. Saabe majjum, ɓe mbullitii to Joomiraaɗo.

1 Samuwiila 18:12

Sawulu hulii Daawda sabo Joomiraaɗo na wondi e makko, de yoppi ɗum.

1 Samuwiila 18:14

Imo gayna e ley huunde fuu ko o waɗata sabo Joomiraaɗo na wondi e makko.

1 Samuwiila 18:5

Nokkuure fuu to Sawulu neli Daawda haɓana ɗum, Daawda gaynan faa Sawulu waɗi mo kawjotooɗo sordaasiiɓe. Ɗum na weli yimɓe fuu, na weli howruuɓe Sawulu du.