Ardiiɓe 1:18 - Dewtere Laamɗo Fulfulde Burkina Faso

¹⁸ Katin du, Yahuudiyankooɓe njehi njeyti galluuje Gaaja e Askelon e Ekeron e gure piiliiɗe ɗoon fuu.

Ardiiɓe 1:18 ပူးပေါင်းရင်းမြစ်များ

Wurtagol 23:31

Mi hokkan on ndongu gilla maayo Maaliya faa maayo Filistiyankooɓe, gilla ladde yoornde faa maayo Efrat, sabo mi wattan jooɗiiɓe e leydi ndiin fu e juuɗe mooɗon. On ndiiwan ɓe yeeso mooɗon.

Fillitagol 2:23

Awinkooɓe jooɗinooɓe ley gure faa hewti Gaaja du, Kaftorinkooɓe ƴuuruɓe Kaftor kalki ɗum'en de njooɗii nokkuuje muɓɓen.

Yoosuwa 11:22

Walaa Anakinkooɓe keddiiɓe nder leydi Israa'iila'en, sanaa ley Gaaja e Gaat e Asdod tan.

Yoosuwa 13:3

gilla maayo Sihor wonngo dow keerol Misira faa yottoo keerol leydi Ekoron faro soɓɓirre. Leyɗe ɗeen fuu wo leyɗe Kanaaninkooɓe e leyɗe kaanankooɓe Filistiyankooɓe njoyo. Kamɓe ngoni mo Gaaja e Asdod e Askalon e Gaat e Ekoron. Ina woodi du leydi Awinkooɓe ngonndi horɗoore keddiindi ndi jaalaaka tafon.

Yoosuwa 15:11

Caggal ɗuum, keerol ngool rewi soɓɓirre waamnde Ekoron, ngol oonyorii faro Sikeruuna, ngol seliri waamnde Baala, ngol ƴuuri Yabinayel. Ngol haaɗi to maayo Manngo.

Ardiiɓe 14:19

Wakkati oon Ruuhu Joomiraaɗo wari dow makko e semmbe. O yehi to ngalluure Askelon, o wari yimɓe 30, o hooƴi ko ɓe ngoodi, o itti kaddule maɓɓe, o hokki ɗe fiirtuɓe banndol ɓeen. Caggal ɗuum, o soƴƴii to suudu baabiiko ɓernde makko ina wula mettorgal.

Ardiiɓe 16:21

Wakkati oon Filistiyankooɓe nanngi mo, itti gite makko, njaari mo ley ngalluure Gaaja. Ɓe njaari mo toon ley suudu kasu, ɓe kaɓɓiri mo callali njamndi mboɗeeri. Nder kasu toon, ɓe ngaɗi mo niisoowo alkamaari.

Ardiiɓe 3:3

Lenyi accaaɗi ɗiin wo laamiiɓe Filistiyankooɓe njoyo, wooɗi du Kanaaniyankooɓe fuu, e Sidoninkooɓe, e Hiwiyankooɓe jooɗiiɓe dow baamle Liban, gilla waamnde Ba'al-Hermon faa yottoo ngalluure Hamat.

1 Samuwiila 6:17

Kanje ngoni alhaali bannjaale kaŋŋe ɗe Filistiyankooɓe njecciri faa laatoo dokkal njobdi hakke muɓɓen to Joomiraaɗo: wootere saabe wuro Asdod, wootere saabe wuro Gaaja, wootere saabe wuro Askelon, wootere saabe wuro Gaat, wootere du saabe wuro Ekoron.