Amos 9:1 - Dewtere Laamɗo Fulfulde Burkina Faso

¹ Nji'umi Joomiraaɗo na darii ɗakkol sakkirde. O wi'i: Fiyu hoore bimmbeeje suudu sakkirde ndeen, faa dammbuɗe mayru ndimmboroo semmbe, kelaa ɗe dow ko'e tawaaɓe ley toon ɓeen fuu. Mi wardan heddiiɓe ɓeen e kaafaahi, fay gooto maɓɓe heɓataa dogga, kisoowo fuu walaa.

Amos 9:1 ပူးပေါင်းရင်းမြစ်များ

Amos 3:14

Nyannde carotoomi Israa'iila saabe hakkeeji muuɗum ndeen, mi halkan cakkirɗe Baytila. Luwe sakkirde ndeen kelete de caama e leydi.

Amos 7:17

Saabe ɗuum de inan ko Joomiraaɗo wi'i: «Deeka laatoto woykuuru ley galluure. Ɓiɓɓe maaɗa worɓe e rewɓe mbardete kaafaahi. Nokkuuje maaɗa ponndirte ɓoggol de njeɗondiree. Aan e hoore maaɗa a maayowan ley leydi heeferɓe, de Israa'iila'en nanngee njaaree faa leydi mboɗɗundi.»

Amos 7:9

Nokkuuje Isiyaaka cakkirɗe kalkete. Nokkuuje Israa'iila ceniiɗe laatoto bille. Mi ukkorto suudu Yerobo'am e kaafaahi.

Yuhanna 1:18

Fay gooto yi'aay Laamɗo abada. Ammaa Ɓiɗɗo bajjo gonduɗo e Baabiiwo oon, kam humpiti en mo.

Yuhanna 1:32

Yaayaa seedii, wi'i: — Mi yi'ii Ruuhu ina wa'i hono wuugaandu ina ƴuura dow kammu ina jippoo faa hoɗi dow makko.

Golle Nelaaɓe 26:13

Kaananke, miɗo wonnoo dow laawol wakkati hakkunde naange, nji'umi annoora ina ƴuura dow kammu ina fiiloo kam, miin e yaadiraaɓe am ɓeen fuu. Annoora oon ina ɓuri fay naange jalbude.

Yoosuwa 10:18

Ndeen Yoosuwa wi'i yimɓe muuɗum: — Tallee kaaƴe mawɗe, uddon hunnduko loho koon, de ndarnon sordaasiiɓe ɗakkol makka faa ndooma ɓe.

Holleede 1:17

Nde nji'unoomi mo ndeen, caamumi yeeso makko hono wo mi maayɗo. Ammaa o yowi junngo makko nyaamo dow am, o wi'i: — Taa hulu! Miin woni arandeejo, miin woni cakitotooɗo,

Holleede 8:3

Maleyka goɗɗo jogiiɗo urdude kaŋŋeere darowii ɗakkol sakkirde rewreteende Laamɗo. O hokkaa uurdi keewndi faa o sakkida ɗum e du'aawuuji seniiɓe, o yottina ɗi dow sakkirde kaŋŋeere wonnde yeeso jooɗorgal laamu ndeen.