Amos 8:3 - Dewtere Laamɗo Fulfulde Burkina Faso

³ Nyannde ndeen jimi laamordu mbaylitorto uumaali. Noon Laamɗo Joomiraaɗo wi'i. Ɓalli maayɓe heewɓe paɗɗete nokkuuje fuu! Ngaɗee siw!

Amos 8:3 ပူးပေါင်းရင်းမြစ်များ

Lewinkooɓe 10:3

Muusaa wi'i Haaruuna: — Joomiraaɗo haaliino haala majjum nde wi'unoo: Miin Joomiraaɗo, mi ndaardee mi ceniiɗo hakkunde ɓattotooɓe kam. Lenyol ngool fuu teddina kam. Haaruuna heddii na deƴƴinii.

Amos 4:10

Mi neldii on nyawu ndaaɓoowu, hono ngu neldunoomi leydi Misira. Mi wardii jokolɓe mooɗon e kaafaahi. Mi accii pucci mooɗon kooƴaama. Mi waɗii luumngol maayɓe humii kine mon ley hoɗorde mooɗon. Ammaa fay e noon fuu on njeccaaki to am. Noon Joomiraaɗo wi'i.

Amos 5:16

Saabe ɗuum de inan ko Joomiraaɗo, Laamɗo Jom Kammu e Leydi oon wi'i: Bullaali nanete nokku fuu. Dow laabi fuu yimɓe peekoto na mbi'aa: «En mbonii! en mbonii!» Remooɓe noddete ngara mbulla, woyooɓe maayɓe du, ngara mboya.

Amos 5:23

Ndelle mboɗɗinee kam jimi mooɗon mettuɗi ɗiin. Mi yiɗaa heddaade na nana olko kolli ɗiin katin.

Amos 6:4

Oɗon pukkii dow leese gaɗiraaɗe nyiiƴe nyiibi, oɗon poortii dow jooɗorɗe ɗigguɗe, oɗon nyaama jawɗi baggi e ga'i cuɓaaɗi,

Amos 6:5

oɗon njima, oɗon piya kolli. On ngaɗanii ko'e mooɗon munkaruuji kesi hono Daawda.

Amos 6:8

Laamɗo Joomiraaɗo hunorake innde muuɗum wi'i: — Inan konngol am, miin Joomiraaɗo Jom Kammu e Leydi: Miɗo hutii mawninkinaare Yaakuuba. Miɗo hafii laamorɗi makko. Mi wattan galluure makko mawnde ndeen e ko woni e muuɗum fuu ley juuɗe wayɓe makko.

Amos 8:10

Mi wattitiran hiirooji mooɗon e nyalaaɗe bojji, mi waɗan jimi mooɗon fuu mbaylitoroo bullaali cattuɗi. Mi waɗan taadoɗon bootooji de ko'e mooɗon fuu pemmbee. Mi wattan leydi ndiin fuu ley mettorgal hono maayraaɗo ɓiyum gooto mo woodunoo, ɗum fuu ɗum timmiran hono nyalaande mettorgal.