Amos 6:8 - Dewtere Laamɗo Fulfulde Burkina Faso

⁸ Laamɗo Joomiraaɗo hunorake innde muuɗum wi'i: — Inan konngol am, miin Joomiraaɗo Jom Kammu e Leydi: Miɗo hutii mawninkinaare Yaakuuba. Miɗo hafii laamorɗi makko. Mi wattan galluure makko mawnde ndeen e ko woni e muuɗum fuu ley juuɗe wayɓe makko.

Amos 6:8 ပူးပေါင်းရင်းမြစ်များ

Fuɗɗoode 22:16

O wi'i: — Inan konngol Joomiraaɗo: «Mi hunorake e innde am, saabe ko ngaɗuɗaa ɗuum, a salanaaki kam ɓiya gooto korsuɗo mo njogiɗaa oon,

Banndi 8:13

Hulude Joomiraaɗo woni wanyude bone. Miɗo wanyi mawnitaare e mantaare e bonde e haalaaji oonyiiɗi.

Lewinkooɓe 26:11

Mi jooɗoto hakkunde mooɗon wooɗi du mi tottitataako on faa abada.

Lewinkooɓe 26:30

Mi halkan nokkuuje mooɗon cakkirɗe, mi lallinan bulirɗe mon ure de mi dekondira ɓalli mon dow tooruuji mooɗon kalkaaɗi ɗiin faa laatoɗon ko nyiddinii yeeso am.

Amos 3:10

Yimɓe ɓeen anndaa waɗude ko dartii. Noon Joomiraaɗo wi'i. Iɓe kebbini laamorɗi maɓɓe jawdi teetiraandi semmbe.

Amos 3:11

Saabe ɗuum de inan ko Joomiraaɗo wi'i: Ganyo fiilnan leydi ndiin, ɓola semmbe mayri de jawdi laamorɗi maaɗa ɓoɓtee.

Amos 4:2

Laamɗo Joomiraaɗo hunorake innde muuɗum seniinde ndeen wi'ii: Sikke walaa, nyalaaɗe ngarowan nde nanngiroyteɗon jamɗe de hedditiiɓe e mooɗon du nanngiree jammbuure.

Amos 5:21

Miɗo wanyi iidiiji mooɗon ɗiin, iɗi nyiddinii kam, Mi yiɗaa nanande kawrite mon ɗeen katin.

Amos 8:3

Nyannde ndeen jimi laamordu mbaylitorto uumaali. Noon Laamɗo Joomiraaɗo wi'i. Ɓalli maayɓe heewɓe paɗɗete nokkuuje fuu! Ngaɗee siw!

Amos 8:7

Joomiraaɗo mo Yaakuuba mantortoo oon hunorake innde muuɗum wi'ii: Mi yeggitataa huunde fuu ko ɓe ngaɗi faa abada.

Fillitagol 32:19

Joomiraaɗo yi'i ɗum de tottitii ɓe, sabo ɓiɓɓem ɓeen mettinii ɓernde muuɗum.