Amos 5:5 - Dewtere Laamɗo Fulfulde Burkina Faso

⁵ Ammaa taa pilowee kam ley wuro Baytila, taa njehee sakkirde galluure Gilgal, taa naatowee faa ley nokkuure Beerseba seniinde ndeen, sabo Gilgal yaarete leydi njanandi Baytila du, laatoto winnde.

Amos 5:5 ပူးပေါင်းရင်းမြစ်များ

Fuɗɗoode 21:31

Ɗum waɗi de ɓe inndiri nokku oon Beerseba (ɗum na fiirta «Ɓunndu hunayeere») sabo wo toon ɓe kunodii.

Fuɗɗoode 21:33

Ibrahiima darni lekki Tamaris ɗakkol Beerseba. O du'ii toon e innde Laamɗo Joomiraaɗo duumiiɗo faa abada.

Fuɗɗoode 26:23

Caggal ɗuum, Isiyaaka dilli toon, yehi Beerseba.

Fuɗɗoode 26:33

Isiyaaka inndiri ndu Seba, ɗum waɗi de huɓeere ndeen ina wi'ee Beerseba faa warde hannden.

1 Kaanankooɓe 12:28

Yerobo'am miili e ɓernde muuɗum, waɗi nga'oy kaŋŋe ɗiɗoy de wi'i yimɓe muuɗum: — On tampii e yaade faa Urusaliima ɗowtowaade. Ndaaree, inan allaaji mooɗon burtinɗi on Misira, onon Israa'iila'en!

1 Kaanankooɓe 12:29

O joƴƴini ngootiri dow waamnde wuro Baytila, keddiindi du, wuro Dan.

2 Kaanankooɓe 23:8

O yamiri almaami'en wulannooɓe ure dow nokkuuje cakkirɗe gonɗe ley galluuje Yahuuda fuu ngara Urusaliima. O tuunini nokkuuje ɗeen gilla Geba faa yotti Beerseba. O fusi nokkuure sakkirde wonnde gere nano dammbugal Yoosuwa, ardiiɗo galluure ndeen.

Ayuuba 8:22

de wayɓe maa kaa, semteende suddan ɗum'en kip, cuuɗi bonɓe du kalkan lay.

Amos 1:5

Mi helan leɗɗe pale dammbuɗe Damas, mi fiɗɗa yimɓe Bikat-Awen, mi lallina tiigiiɗo sawru laamu Bayti-Eden oon. Yimɓe Aram nanngete njaaree leydi Kir. Noon Joomiraaɗo wi'i.

Amos 3:14

Nyannde carotoomi Israa'iila saabe hakkeeji muuɗum ndeen, mi halkan cakkirɗe Baytila. Luwe sakkirde ndeen kelete de caama e leydi.

Amos 4:4

Njehee Baytila ngaɗowon hakke; njahon Gilgal de ɓeydon bone! Cakkon sadakaaji mooɗon subaka fuu, kokkon jakkaaji mooɗon nyalaande tataɓerde fuu.

Amos 7:10

Ndeen Amasiya almaami wuro Baytila neli Yerobo'am, kaananke Israa'iila wi'ee: — Amos na wondi anniya umminande ma fitina hakkunde suudu Israa'iila. Yimɓe leydi ndiin mbaawaa heddaade na nana haalaaji makko ɗiin.

Amos 7:13

Ammaa taa hedda aɗa waɗa annabaaku ley Baytila sabo wo suudu kaananke seniindu. Wooɗi du wo nokkuure Israa'iila'en seniinde.

Amos 7:17

Saabe ɗuum de inan ko Joomiraaɗo wi'i: «Deeka laatoto woykuuru ley galluure. Ɓiɓɓe maaɗa worɓe e rewɓe mbardete kaafaahi. Nokkuuje maaɗa ponndirte ɓoggol de njeɗondiree. Aan e hoore maaɗa a maayowan ley leydi heeferɓe, de Israa'iila'en nanngee njaaree faa leydi mboɗɗundi.»

Amos 7:9

Nokkuuje Isiyaaka cakkirɗe kalkete. Nokkuuje Israa'iila ceniiɗe laatoto bille. Mi ukkorto suudu Yerobo'am e kaafaahi.

Amos 8:14

Hunortooɓe tooru semtiniindu wonndu Samariya na mbi'a: «E inde alla maaɗa, aan Dan!» «Saabe teddeengal maaɗa aan Beerseba!» ɓeen fuu caaman de ummitataako faa abada.

1 Korintunkooɓe 1:28

O suɓake ko hoyi, ko yawnii, ko adunaaru ndu jogorii wo ɓolum ɗuum, faa o waɗa ko tayketee ɗuum laatoo ɓolum.

1 Korintunkooɓe 2:6

De si goonga, wo hakkilantaaku min mbaajotoo hakkunde mawnuɓe e ley goonɗinal. Wanaa hakkilantaaku adunaaru ndu min mbaajotoo, maa hakkilantaaku jom'en baawɗe halketeeɓe e ley jamaanu o.

Fillitagol 28:41

On ndiman ɓiɓɓe worɓe e rewɓe ammaa ɓe cenndete e mooɗon sabo ɓe njaarete maccungaaku.

Yoosuwa 5:9

Joomiraaɗo wi'i Yoosuwa katin: — Hannden mi talliti semteende nde mburtodiɗon Misira ndeen, mi woɗɗinii on. Saabe majjum faa warde hannden nokkuure ndeen na wi'ee Gilgal (iɗum fiirta tallitinde).

Holleede 18:17

E ley wakkati gooto tan, jawdi ndiin fuu halkaa! Dawranooɓe laanaaji ndiyam e yahooɓe ley majji e dogginooɓe ɓeen, kam e heɓooɓe neema muɓɓen e luumagol dow maayo ɓeen, ɓe fuu ɓe toowtan ɓe ndaroo.

1 Samuwiila 11:14

Ndeen Samuwiila wi'i yimɓe mum: — Ngaree, njehen wuro Gilgal faa keyɗintinowen laamu ngu.

1 Samuwiila 7:16

Hitaande fuu imo yiiltoo hakkunde wuro Baytila e Gilgal e Mispa, imo saroo yimɓe Israa'iila ley nokkuuje ɗeen.

1 Samuwiila 8:2

Innde afo makko wo Jowiila, innde sammbaajo oon wo Abiya, ɓe ngaɗi golle sariya maɓɓe to wuro Beerseba.