Amos 5:27 - Dewtere Laamɗo Fulfulde Burkina Faso

²⁷ de mi yaara on maccungaaku faa yeeso Damas! Noon Joomiraaɗo wi'i. Innde makko wo Laamɗo Jom Kammu e Leydi.

Amos 5:27 ပူးပေါင်းရင်းမြစ်များ

1 Kaanankooɓe 14:15

Joomiraaɗo fiyan Israa'iila'en, ɓe ndimmborto hono no huɗo daande maayo dimmborto ni. Joomiraaɗo ɗoofan ɓe e leydi lobbiri ndi hokkunoo maamiraaɓe maɓɓe, de sankita ɓe faa gaɗa maayo Efrat, sabo ɓe tikkiniri ɗum ko ɓe ngaɗi tooruuji bi'eteeɗi Asera ɗuum.

2 Kaanankooɓe 15:29

Ley laamu makko, Tigilat-Pileser kaananke Asuura wari honi galluure Iyon e Abel-Bayti-Ma'aka e Yanoha e Kedes e Hasor e leydi Galaad e ndi Galili e ndi Naftali fuu. O nanngi yimɓe ɓeen fuu o yaari ɗum'en leydi Asuura.

2 Kaanankooɓe 17:23

faa nyannde Joomiraaɗo riiwi ɓe woɗɗini yeeso muuɗum hono no sapporinoo ɓe e kunnduɗe annabaaɓe muuɗum fuu noon. Wo noon Israa'iila'en ndiiwiraa leydi muɓɓen njaaraa leydi Asuura. Toon ɓe keddii faa warde hannden.

2 Kaanankooɓe 17:6

Hitaande jeenayaɓerde laamu Hoseya, kaananke Asuura jaalii nde de nanngi Israa'iila'en wonnooɓe toon fuu yaari leydi muuɗum. O joƴƴini woɓɓe maɓɓe ley wuro Hala, woɓɓe du daande gooruwol Habor ɗakkol galluure Gojan, heddiiɓe ɓeen du, ley galluuje Mediyankooɓe.

Amos 4:13

Sabo taguɗo baamle, gaɗuɗo henndu, kaaltanoowo ɓiɓɓe-Aadama miilooji muɓɓen, battitiroowo pooyngol fajiri e nimre tekkunde, jaaɓoowo dow toowdiije leydi oon, innde muuɗum wo Joomiraaɗo, wo Laamɗo Jom Kammu e Leydi.

Amos 5:26

Ndelle on kooƴan tooru Sikkut, kaananke mooɗon, tawti Kiyun, natal hoodere alla mooɗon, kujje ɗe ngaɗanɗon ko'e mooɗon ɗeen

Amos 6:1

Bone woodanii on, onon jooɗiiɓe Siyona e jam, e onon wuurduɓe hoolaare dow waamnde Samariya, onon tedduɓe ley lenyol ɓurngol keddiiɗi, ɓe suudu Israa'iila yowi jikke muuɗum dow muɓɓen ɓeen.

Amos 6:7

Wo saabe ɗuum de on laatoto artotooɓe nanngee njaaree faa leydi mboɗɗundi. Ndeen weltaareeji mon dow jooɗorɗe ɗiin timman.

Golle Nelaaɓe 7:43

On ngaɗaay. On ndonndake hukum ɗo tooru mooɗon Molok resaa, kam e tooru ndu ngaɗuɗon hoodere mon wi'eteende Refan, nate ɗe moƴƴinɗon faa cujidanon ɗum'en! Ɗum waɗi de miɗo eggina on, faa njaareɗon caggal Baabiila.»