Amos 5:21 - Dewtere Laamɗo Fulfulde Burkina Faso

²¹ Miɗo wanyi iidiiji mooɗon ɗiin, iɗi nyiddinii kam, Mi yiɗaa nanande kawrite mon ɗeen katin.

Amos 5:21 ပူးပေါင်းရင်းမြစ်များ

Fuɗɗoode 8:21

Joomiraaɗo nani uurngol mbelngol, de wi'i ley miilo mum: — Mi huɗataa adunaaru saabe ɓii-Aadama katin, sabo ɓernde muuɗum ina anniyoo ko boni gilla wo cukalel. Mi halkataa ko wuuri fuu katin hono no ngaɗunoomi noon.

Banndi 15:8

Sadaka bonɓe na nyiddinii yeeso Joomiraaɗo, ammaa du'aare dartiiɓe na weli mo.

Banndi 21:27

Sadaka bonɓe na nyiddinii yeeso Joomiraaɗo, sakko nde ɓe ngaɗirii ɗum anniyaaji bonɗi.

Banndi 28:9

Udduɗo noppi mum, salii hettindaade jamirooje, fay du'aare mum na nyiddinii yeeso Laamɗo.

Lewinkooɓe 26:31

Mi waɗan galluuje mon laatoo bille. Mi fusan nokkuuje mon ceniiɗe. Mi hettintaako uurngol sadakaaji mon belngol ngool katin.

Amos 4:4

Njehee Baytila ngaɗowon hakke; njahon Gilgal de ɓeydon bone! Cakkon sadakaaji mooɗon subaka fuu, kokkon jakkaaji mooɗon nyalaande tataɓerde fuu.

Amos 4:5

Mbulon sadaka mooɗon jettooje mo ngaɗirton e buuru jillaaɗo rabilla oon! Ngooynon dokke ɗe kokkirton yardamuye, ngaɗon ɗe anndee! Sabo wo ɗuum njiɗɗon, onon Israa'iila'en. Noon Laamɗo Joomiraaɗo wi'i.

Amos 6:8

Laamɗo Joomiraaɗo hunorake innde muuɗum wi'i: — Inan konngol am, miin Joomiraaɗo Jom Kammu e Leydi: Miɗo hutii mawninkinaare Yaakuuba. Miɗo hafii laamorɗi makko. Mi wattan galluure makko mawnde ndeen e ko woni e muuɗum fuu ley juuɗe wayɓe makko.

Amos 8:10

Mi wattitiran hiirooji mooɗon e nyalaaɗe bojji, mi waɗan jimi mooɗon fuu mbaylitoroo bullaali cattuɗi. Mi waɗan taadoɗon bootooji de ko'e mooɗon fuu pemmbee. Mi wattan leydi ndiin fuu ley mettorgal hono maayraaɗo ɓiyum gooto mo woodunoo, ɗum fuu ɗum timmiran hono nyalaande mettorgal.

Matta 23:13

Bone woodanii on onon jannginooɓe Tawreeta e Farisa'en, munaafiki'en! Oɗon cokana yimɓe dammbugal laamu Laamɗo ngaal. On naatataa, on accataa naatooɓe naata. [

Efeesunkooɓe 5:2

Mbuurdon e yiɗundurde, no Almasiihu yiɗiri en de hokkitiri hoore muuɗum saabe meeɗen laatanii en kirsamaari, hono sadaka belɗo Laamɗo.

Filipiyankooɓe 4:18

Ko nelduɗon e junngo Epaforodit ɗuum yottake faa wooɗi, humtii haajuuji am fuu. Mi heɓii faa heewi. Dokkal mon ngal laatake urdi mbelndi, hono sadaka belɗo jaɓaaɗo to Laamɗo.