Amos 4:7 - Dewtere Laamɗo Fulfulde Burkina Faso

⁷ Miin kaa, mi salanake on ƴuwoonde, gilla tayri na heddii lebbi tati. Ngaɗumi ƴuwoonde toɓi dow galluure ndee, de ɗalumi galluure ndee too toɓo, ngesa ngaa heɓi ndiyam de ngaa too na wondi e yooro.

Amos 4:7 ပူးပေါင်းရင်းမြစ်များ

Wurtagol 10:22

Muusaa ɓanti junngo muuɗum dow, de nimre tekkunde waɗi dow leydi Misira fuu, faa waɗi balɗe tati.

Wurtagol 10:23

Fay gooto yi'ataa banndum. Fay gooto ummaaki nokku ɗo wonnoo faa waɗi balɗe tati. Ammaa Israa'iila'en kaa ina ngoodi annoora to njooɗii toon.

Wurtagol 8:22

Ndeen Muusaa wi'i: — Noon dagaaki! Sabo ko min kirsanta Joomiraaɗo, Laamɗo amin ɗuum wo ko nyiddinii to Misirankooɓe. Wooɗi si min ngaɗii kirsamaaji yeeso Misirankooɓe, wanaa ɓe paɗɗan min kaaƴe ɓe mbara min naa?

Wurtagol 9:26

Leydi Goosan to yimɓe Israa'iila njooɗii toon tan woni to marmalluuje toɓaay.

Wurtagol 9:4

Ammaa Joomiraaɗo senndan kulle Israa'iila'en e kulle Misirankooɓe. Ley kulle Israa'iila'en fuu fay gootel waatataa.»

Yuhanna 4:35

Onon, oɗon mbi'a: «Faa hannden lebbi nay de tayri wara.» De miin kaa miɗo wi'a on: ƴeptee gite mon, ƴeewee gese fuu ɓenndii, njonii taƴeede.

1 Korintunkooɓe 4:7

Moy ɓurni on woɓɓe? Ko njogiɗon ɗuum, wanaa Laamɗo hokki on? Si wo noon worri, ko waɗi de oɗon mantoroo ɗum hono ɗum wanaa dokkal Laamɗo?

Fillitagol 11:17

Si on ngaɗii noon fu, tikkere Joomiraaɗo saaman dow mooɗon. O ommban kammu, o haɗa ƴuwoonde toɓude. Leydi accitan rimude de piɗɗeɗon law ley leydi lobbiri ndi Joomiraaɗo hokkata on ndiin.

Yaakuuba 5:17

Annabi Iliyaasa wo neɗɗo hono meeɗen. O waɗirii du'aare e tinnaare taa kammu toɓa. De ƴuwoonde toɓaay e leydi faa waɗi duuɓi tati e lebbi jeegom.

Holleede 11:6

Iɓe njogii baawɗe haɗude kammu toɓude haddi balɗe annabaaku maɓɓe ɗeen. Iɓe njogii baawɗe waylitinde diyeele laatoo ƴiiƴam. Nde ɓe muuyi fuu, iɓe mbaawi jippinde e adunaaru sii masiiba fuu.