Amos 4:11 - Dewtere Laamɗo Fulfulde Burkina Faso

¹¹ Mi halkii woɓɓe mooɗon hono no kalkirnoomi Sodoma e Gomoora. Inan oɗon nga'i hono doccal cortaangal ley yiite. Ammaa fay e noon fuu on njeccaaki to am. Noon Joomiraaɗo wi'i.

Amos 4:11 ပူးပေါင်းရင်းမြစ်များ

Amos 4:6

Miin kaa, mi yoppii on deedi ɓoli ley galluuje mooɗon fuu, Mi ɗalii on nyaamdu ley nokkuuje mooɗon, ammaa e noon fuu on njeccaaki to am. Noon Joomiraaɗo wi'i.

Romankooɓe 9:29

Katin du wo nii Esaaya wiirunoo gilla arande: «Sini Joomiraaɗo jom baawɗe fuu oon accidaayno en ƴuwdi, tawanno en laatake hono wuro Sodoma ni, en nanndii e wuro Gomoora.»

1 Korintunkooɓe 3:15

Ammaa mo yiite ngeen nyaami golle muuɗum, waasii mbarjaari mum. Kam e hoorem kaa hisinte, de na wa'i hono peƴƴitinɗo yiite ni.

Fillitagol 28:24

Joomiraaɗo neldan on sollaare e ulgu loomta ƴuwoonde. Wo ɗuum o waɗata toɓa dow mooɗon faa on fuu kalkon.

Fillitagol 29:23

Lenyi adunaaru fuu mbi'an: «Ko saabii de Joomiraaɗo waɗi leydi ndii hono ni? Ɗume waddi tikkere mawnde fonnde ni?»

2 Piyeer 2:6

Laamɗo sarii gure ɗiɗi Sodoma e Gomoora. O halkirii ɗum'en yiite faa laatii ndoondi, faa ɗe laatanoo yeddooɓe mo warooɓe fuu maande ko hewtata ɗum'en.

Yahuuda 1:23

Ndippitee, mburtinee woɓɓe e yiite, ndannon ɗum'en. Woɓɓe du, njurmee ɗum'en tawee oɗon kulana ko'e mooɗon. Nyiddon fay saayaaji ɗiin, taa muuyɗe ɓalli maɓɓe tuunɗe ɗeen ndaaɓa on.

Yahuuda 1:7

Hono noon du, Sodoma e Gomoora e gure piiliiɗe ɗum'en ngaɗiri jeenu no maleyka'en ɓeen ngaɗiri ni, ɗe mbuurdiino e muuyɗe terɗe ɗe kaanaa waɗeede. De ɗum laatanii yimɓe fuu sappangol jukkungo yiite duumiinge ngeen.

Holleede 9:20

Yimɓe heddiiɓe ɓe masiibaaji ɗiin mbaraay ɓeen tuubaay e golle juuɗe muɓɓen. Ɓe njoppaay sujidande ginnaaji, kam e tooruuji gaɗiraaɗi kaŋŋe e cardi e njamndi mboɗeeri e kaaƴe e leɗɗe. Iɓe cujidana tooruuji ɗi nji'ataa, ɗi nanataa, ɗi njahataa.