Amos 3:2 - Dewtere Laamɗo Fulfulde Burkina Faso

² Mi senndii on onon tan hakkunde lenyi adunaaru fuu. Saabe ɗuum de mi hiitoto hakkeeji mooɗon ɗiin fuu.

Amos 3:2 ပူးပေါင်းရင်းမြစ်များ

Fuɗɗoode 10:32

Ɓeen ngoni ƴuwdi ɓiɓɓe Nuuhu fodde cuuɗi baaba muɓɓen e sii muɓɓen e lenyi muɓɓen. E maɓɓe lenyi keddiiɗi fuu ƴuuri de cankitii e adunaaru caggal ilam tuufaanu.

Fuɗɗoode 18:19

Sabo mi suɓake mo faa o yamira ɓiɓɓe makko e suudu makko tinnaade e rewude laawol Joomiraaɗo caggal makko. Ɓe laatoo fonnditiiɓe, ɓe ngaɗa ko dartii faa mi yottina ko aadaniimi Ibrahiima ɗuum.

Wurtagol 32:34

Wooɗi, joonin yahu ardoɗaaa yimɓe ɓeen yaade nokkuure nde kaalannomaami haala muuɗum ndeen. Wo maleyka am ardete. E noon fuu, si nyalaande jukkude ɓe warii fu, sikke walaa mi jukkoto ɓe saabe hakke maɓɓe.

Amos 2:4

Inan ko Joomiraaɗo wi'i: Saabe Yahuuda waɗii hakke dow hakke, de mi fiirtataa ko anniyiimi dow muuɗum ɗuum, sabo faɗɗii ekintinooje Joomiraaɗo, ɗowtanaaki sariyaaji muuɗum. Accii pene muuɗum majjinii ɗum, tooruhoy koy maamiraaɓe muuɗum ndewunoo kooy.

Amos 3:3

Yalla yimɓe ɗiɗo na njaada tawaa paamiraay naa?

Amos 6:1

Bone woodanii on, onon jooɗiiɓe Siyona e jam, e onon wuurduɓe hoolaare dow waamnde Samariya, onon tedduɓe ley lenyol ɓurngol keddiiɗi, ɓe suudu Israa'iila yowi jikke muuɗum dow muɓɓen ɓeen.

Golle Nelaaɓe 17:26

E neɗɗo gooto Laamɗo wurtiniri lenyi ɗiin fuu, joƴƴini ɗum'en e adunaaru ndu. Gilla ɗum waɗaay, o darnii wakkatiiji e keeri koɗorɗe muɓɓen.

Romankooɓe 2:9

Torra e ɓillaare ngoodanii gaɗoowo ko boni fuu: Alhuudiyankooɓe tafon, de lenyi goɗɗi njokka.

1 Korintunkooɓe 8:3

Ammaa neɗɗo fuu jiɗɗo Laamɗo, Laamɗo ina anndi ɗum.

Fillitagol 10:15

Wo e maamiraaɓe mooɗon tan Joomiraaɗo takkondiri de yiɗi ɗum'en, gaɗa muɓɓen du, wo onon taaniraaɓe muɓɓen ɓeen o suɓii hakkunde lenyi keddiiɗi fuu hono no worri hannden noon.

Fillitagol 26:18

Hannden Joomiraaɗo waɗii on laatake jeyal muuɗum korsungal fodde no wiirunoo on noon, oɗon ɗowtanoo jamirooje muuɗum fuu.

Fillitagol 32:9

Sabo ngeɗu Joomiraaɗo wo yimɓe muuɗum, Yaakuuba woni ndongu muuɗum.

Fillitagol 4:32

Miilee ko wittii, ƴamon duuɓi paltiiɗi fadde mon e rimeede, gilla nyannde Laamɗo tagunoo ɓii-Aadama ley adunaaru. Ƴamon gilla keerol leydi ngol faa yaade ngoltoo yalla woodii ko mawni foti ɗuum naa, naa hono ɗuum nananooma abada?

Fillitagol 7:6

Saabe wo on lenyol ceniingol yeeso Joomiraaɗo, Laamɗo mooɗon, de kam du suɓii on faa laatoɗon jeyal muuɗum korsungal hakkunde lenyi adunaaru fuu.

1 Piyeer 4:17

Joonin wakkati mo Laamɗo fuɗɗata saraade yimɓe yottake. To yimɓe rewooɓe mo ɓeen o fuɗɗirta. Si sariya oon fuɗɗirii en enen, noy timmirta e dow ɓe njokkaay Kabaaru Laamɗo Lobbo ɓeen?