Amos 3:14 - Dewtere Laamɗo Fulfulde Burkina Faso

¹⁴ Nyannde carotoomi Israa'iila saabe hakkeeji muuɗum ndeen, mi halkan cakkirɗe Baytila. Luwe sakkirde ndeen kelete de caama e leydi.

Amos 3:14 ပူးပေါင်းရင်းမြစ်များ

2 Kaanankooɓe 23:15

Katin Yosiya fusi nokkuure sakkirde nde Yerobo'am ɓii Nebat nyiɓunoo wuro Baytila de wattiri Israa'iila'en e hakke ndeen. O fusi nde kayre e ko woni e mayre fuu. O wuli nde, o niisi ƴulɓe mayre faa laatii conndi de o wuli leggal tooru Asera ngaal.

Wurtagol 32:34

Wooɗi, joonin yahu ardoɗaaa yimɓe ɓeen yaade nokkuure nde kaalannomaami haala muuɗum ndeen. Wo maleyka am ardete. E noon fuu, si nyalaande jukkude ɓe warii fu, sikke walaa mi jukkoto ɓe saabe hakke maɓɓe.

Amos 2:8

Iɓe mbeɗɗitii ley nokkuuje cakkirɗe fuu, iɓe pukkii dow kaddule talkaaɓe ɗe ɓe teetiri tolma. Iɓe tukkii njaram ɗam ɓe teetiri jammba ley suudu tooru maɓɓe oon.

Amos 4:4

Njehee Baytila ngaɗowon hakke; njahon Gilgal de ɓeydon bone! Cakkon sadakaaji mooɗon subaka fuu, kokkon jakkaaji mooɗon nyalaande tataɓerde fuu.

Amos 7:10

Ndeen Amasiya almaami wuro Baytila neli Yerobo'am, kaananke Israa'iila wi'ee: — Amos na wondi anniya umminande ma fitina hakkunde suudu Israa'iila. Yimɓe leydi ndiin mbaawaa heddaade na nana haalaaji makko ɗiin.

Amos 7:13

Ammaa taa hedda aɗa waɗa annabaaku ley Baytila sabo wo suudu kaananke seniindu. Wooɗi du wo nokkuure Israa'iila'en seniinde.

Amos 7:9

Nokkuuje Isiyaaka cakkirɗe kalkete. Nokkuuje Israa'iila ceniiɗe laatoto bille. Mi ukkorto suudu Yerobo'am e kaafaahi.

Amos 9:1

Nji'umi Joomiraaɗo na darii ɗakkol sakkirde. O wi'i: Fiyu hoore bimmbeeje suudu sakkirde ndeen, faa dammbuɗe mayru ndimmboroo semmbe, kelaa ɗe dow ko'e tawaaɓe ley toon ɓeen fuu. Mi wardan heddiiɓe ɓeen e kaafaahi, fay gooto maɓɓe heɓataa dogga, kisoowo fuu walaa.