Amos 3:12 - Dewtere Laamɗo Fulfulde Burkina Faso

¹² Inan ko Joomiraaɗo wi'i: Hono no duroowo teetirta koyɗe mbaalu ɗiɗi naa mbukkudi nowru muuɗum e hunnduko laddeeru nii, wo noon Israa'iila'en jooɗiiɓe Samariya ɓeen kisinirtee, ŋappitere leeso e seeɗa daɗɗo tan heddotoo.

Amos 3:12 ပူးပေါင်းရင်းမြစ်များ

1 Kaanankooɓe 20:30

Heddiiɓe ndoggiri galluure Afek. Ammaa kokuwol piiliingol galluure ndeen saami dow 27.000 maɓɓe. Ben-Hadad du doggi, naati ley wuro ngoon, suuɗowi ley suudu ɓurndu fuu lonngitaade.

1 Kaanankooɓe 20:34

Ben-Hadad wi'i mo: — Mi hokkitete galluuje ɗe baaba am teetunoo bammaa, mi hokkete du nokkuuje luumorɗe ley Damas hono no baaba am waɗunoo ley Samariya noon. Ahabi jaabii, wi'i: — Si ko mbiiɗaa ɗum tabitii fu, mi rimɗinte. Ahabi waddi amaana e Ben-Hadad de yoppi ɗum.

1 Kaanankooɓe 22:25

Mikaya jaabii mo, wi'i: — A faaman nyannde naatuɗaa to ɓuri fuu lonngitaade ley suudu faa cuuɗoɗaa.

2 Kaanankooɓe 16:9

Kaananke Asuura oon jaɓi ŋaarnde makko ndeen de yehi teetowi galluure Damas. Wooɗi du, nanngi yimɓe mayre fuu yaari ɗum'en leydi Kir de wari Resin kaananke Siiriya oon.

Ester 1:6

Gude daneeje canyiraaɗe gaaraaji haabu e goɗɗe bulabulaaje kaɓɓondiraa e ɓoggi gaɗiraaɗi leppi ɗaatuɗi daneeji e leppi bojjitooji gaɗanaaɗi kootonɗe cardi de ɓilaa e bimmbeeje gaɗiraaɗe kaaƴe daneeje. Jooɗorɗe kaŋŋe e cardi njoƴƴinaa dow daɗɗo kaaƴe dime daneeje cehaaɗe.

Ester 7:8

Wakkati kaananke Jerjes yeccotonoo weltaare ɗoon, tawi Haman na hippi dow jooɗorgal Ester. Ndeen kaananke feekii wi'i: — Ndelle Haman na anniyii nanngude deekam, miɗo tawa ley laamordu am ɗo naa? Kaananke timminaay haala kan de gollooɓe muuɗum njottii cuddi yeeso Haman.

Amos 6:4

Oɗon pukkii dow leese gaɗiraaɗe nyiiƴe nyiibi, oɗon poortii dow jooɗorɗe ɗigguɗe, oɗon nyaama jawɗi baggi e ga'i cuɓaaɗi,

Amos 9:8

Gite Laamɗo Joomiraaɗo na njiima laamu leydi ngaɗoori hakke ndiin. Mi halkan ndi, mi waɗan ndi lalla e duuniyaaru. Ammaa mi halkidintaa ƴuwdi Yaakuuba ndiin fuu. Noon Joomiraaɗo wi'i.