Amos 2:4 - Dewtere Laamɗo Fulfulde Burkina Faso

⁴ Inan ko Joomiraaɗo wi'i: Saabe Yahuuda waɗii hakke dow hakke, de mi fiirtataa ko anniyiimi dow muuɗum ɗuum, sabo faɗɗii ekintinooje Joomiraaɗo, ɗowtanaaki sariyaaji muuɗum. Accii pene muuɗum majjinii ɗum, tooruhoy koy maamiraaɓe muuɗum ndewunoo kooy.

Amos 2:4 ပူးပေါင်းရင်းမြစ်များ

2 Kaanankooɓe 17:19

Ammaa fay kam'en duu ndeenaay jamirooje Joomiraaɗo, Laamɗo muɓɓen. Ɓe njokkii laabi Israa'iila'en bonɗi ɗiin.

Nehemiya 1:7

Min celaay wadde ko boni, min njokkaay ko mbiiɗaa, min ndeenaay jamirooje maaɗa e tindinooje maaɗa e sariyaaji maaɗa, ɗi kokkuɗaa Muusaa maccuɗo maaɗa.

Nehemiya 9:26

Ammaa ɓe muurtanii ma, ɓe njoppii jamirooje maaɗa. Ɓe mbari annabaaɓe maaɗa sellinɓe ɓerɗe maɓɓe de mbi'i ɓe ngarta dow laawol maaɗa. Ɓe kuyfinii innde maaɗa.

Amos 1:3

Inan ko Joomiraaɗo wi'i: Saabe Damas waɗii hakke dow hakke, de mi fiirtataa ko anniyiimi dow muuɗum ɗuum, sabo ɓe cokkirii yimɓe Galaad e jamɗe ceeɓuɗe.

Amos 3:2

Mi senndii on onon tan hakkunde lenyi adunaaru fuu. Saabe ɗuum de mi hiitoto hakkeeji mooɗon ɗiin fuu.

Romankooɓe 1:25

Ɓe loomtinirii Laamɗo goongaajo oon e fewre, ɓe teddinii ko tagaa, ɓe ndewi ɗum, ɓe njoppi Taguɗo oon. Oon woni jetteteeɗo faa abada! Aamiina.

1 Tesaloniyankooɓe 4:8

Ndelle, caliiɗo ko haalaa joonin ɗuum fuu, wanaa neɗɗo salanii. Wo Laamɗo, kokkuɗo on Ruuhu muuɗum Ceniiɗo oon, o salanii.

1 Piyeer 1:18

Oɗon anndi on kaɓɓitaama e nguurndam mon ɓolam ɗam tawruɗon baabiraaɓe mooɗon. Coottitaari ndimɗindi on ndiin wanaa huunde timmoore hono cardi naa kaŋŋe.

Ardiiɓe 10:6

Israa'iilankooɓe puɗɗiti waɗude ko boni yeeso Joomiraaɗo. Ɓe ɗowtanii allaaji bi'eteeɗi Ba'al e Asteraat, e allaaji Siiriyankooɓe e ɗi Sidoninkooɓe e ɗi Mo'abinkooɓe e ɗi Amoninkooɓe e ɗi Filistiyankooɓe. Ɓe njoppi Joomiraaɗo, ɓe celi ɗowtanaade ɗum.