Amos 2:10 - Dewtere Laamɗo Fulfulde Burkina Faso

¹⁰ Miin, mi wurtinii on leydi Misira, ardoriimi on duuɓi 40 ley ladde yoornde, faa ngaɗumi njeytuɗon leydi Amorinkooɓe ndiin.

Amos 2:10 ပူးပေါင်းရင်းမြစ်များ

Nehemiya 9:21

Duuɓi 40 ley ladde yoornde aɗa wondi e maɓɓe, walaa ko jacci ɓe, kaddule maɓɓe kalkaay, koyɗe maɓɓe du ɓuutaay.

Wurtagol 12:51

Nyannde ndeen pay, Joomiraaɗo wurtiniri jama'aaje Israa'iila'en ɓeen ley leydi Misira geɓe geɓe.

Wurtagol 20:2

— Miin woni Joomiraaɗo, Laamɗo maaɗa, wo miin wurtini ma leydi Misira ley suudu maccungaaku.

Wurtagol 3:8

Saabe ɗuum de njippiimi faa mi danna yimɓe am e baawɗe Misirankooɓe, mi itta ɓe leydi Misira, mi yaara ɓe leydi lobbiri njaajundi, leydi ndi kosam e njuumndi ilata e muuɗum, nokkuure ɗo Kanaaninkooɓe e Hittiyankooɓe e Amorinkooɓe e Perisinkooɓe e Hewinkooɓe e Yebusinkooɓe njooɗii.

Amos 3:1

Kettindee konngol ngol Joomiraaɗo haali dow mooɗon, onon Israa'iila'en, lenyol muɓɓol ngol wurtini leydi Misira ngool:

Amos 9:7

Inan ko Joomiraaɗo wi'i: Onon Israa'iila'en, yalla wanaa oɗon nga'i hono Etiyopiyankooɓe yeeso am naa? Yalla mi wurtinaay Israa'iila'en ley leydi Misira hono no mburtinirmi Filistiyankooɓe ley ndi Kaftor e Siiriyankooɓe ley ndi Kir noon naa?

Limle 13:32

Katin woɓɓe hakkunde horoynooɓe ɓeen kolli Israa'iila'en kabaaru kulɓiniiɗo e leydi ndi ɓe korowi ndiin, ɓe mbi'i: — Leydi ndi min korowi ndiin kam e hoorem na nyaama jooɗiiɓe e muuɗum. Ɓe min tawi toon ɓeen du, wo toowɓe, mawɓe sanne.

Limle 21:25

Israa'iila teeti kuɓeeje ɗeen fuu. Ɓe njooɗii ley kuɓeeje Amorinkooɓe e galluure Hesbon e gure piiliiɗe ɗoon fuu.

Limle 32:13

Noon Joomiraaɗo tikkirani Israa'iila'en ɓeen de waɗi iɓe njiiloo ley ladde yoornde faa waɗi duuɓi 40 faa tikkinnooɓe ɗum ɓeen fuu maayi.

Golle Nelaaɓe 13:18

O munyanii ɓe ley ladde faa waɗi duuɓi 40.

Golle Nelaaɓe 7:42

Ndeen Laamɗo tottitii ɓe, yoppiri ɓe rewude koode kammu, hono no winndiraa e dewtere annabaaɓe: «Hey lenyol Israa'iila! Duuɓi capanɗe nay ɗi ngaɗuɗon ley ladde ɗiin, on ngaɗanii kam sadakaaji e kirsamaaji naa?

Fillitagol 1:39

Ɓiɓɓe mooɗon ɓe mbiiɗon nanngete, sukaaɓe ɓe kewtaay senndude ko boni e ko wooɗi ɓeen, kam'en naatata ndi. Wo ɓeen kokkumi leydi ndiin, kamɓe njeytata ndi.

Fillitagol 2:7

Sabo Joomiraaɗo, Laamɗo mooɗon barkinii golle mon fuu. O haybanii yaadu mooɗon ley ladde mawnde yoornde ndee. Duuɓi 40 hikka woni ko Joomiraaɗo, Laamɗo mooɗon wondi e mooɗon. Faa'e nyakaay on.

Yoosuwa 13:4

Faro horɗoore du ina heddii leydi Kanaaninkooɓe, gilla Ara, kam woni leydi Sidoninkooɓe faa yottoo Afeka keerol Amorinkooɓe.

Yoosuwa 24:8

Ndeen njaarumi on nder leydi Amorinkooɓe, jooɗinooɓe lettugal Urdun ɓeen. Ɓe kaɓi e mooɗon, de ngattumi ɓe e juuɗe mon. Mi halkii ɓe yeeso mooɗon, on ndonii leydi maɓɓe.