Amos 1:1 - Dewtere Laamɗo Fulfulde Burkina Faso

¹ Inan konngol ngol Amos, gooto e durooɓe ley wuro Tekowa haali dow Israa'iila. O hollaama ɗum wakkati laamu Ujjiya, kaananke Yahuuda e laamu Yerobo'am ɓii Yehowas, kaananke Israa'iila. Wakkati oon dimmbagol leydi manngol na heddii duuɓi ɗiɗi.

Amos 1:1 ပူးပေါင်းရင်းမြစ်များ

2 Samuwiila 14:2

Ndelle Yo'ab nelani debbo jom ƴoyre jeyaaɗo wuro Tekowa waddee. O wi'i mo: — Wattinkina cuniiɗo, ɓornoɗaa kaddule cunu, taa mbujoɗaa nebbeele uurɗe de ngaɗaa hono a debbo cunaniiɗo maayɗo ko ɓooyi.

1 Kaanankooɓe 19:19

Iliyaasa dilli toon, o tawoyi Elisey ɓii Safata na rema. Imo remira ga'i 24 (ɗiɗi ɗiɗi), imo wonnoo gaɗa ɗiɗi cakitiiɗi ɗiin. Iliyaasa rewi ɗakkol Elisey de deki saayo muuɗum dow makko.

2 Kaanankooɓe 14:21

Yahuudiyankooɓe fuu kawriti ngaɗi ɓiyiiko Ajariya, suka mo duuɓi 16 loomti mo laamii.

2 Kaanankooɓe 14:23

Hitaande sappo e joyaɓerde laamu Amasiya ɓii Yowas kaananke Yahuuda, Yerobo'am ɓii Yehowas kaananke Israa'iila laamii ley galluure Samariya. O laamorii duuɓi 41.

Wurtagol 3:1

Muusaa na durannoo dammuuli esum Yetiro almaami Madiyan (noddirteeɗo Rewel oon). Nyannde gomma o yaari dammuuli ɗiin faa yeeso ladde yoornde faro gorgal. O yottii waamnde Sinayi inndirteende waamnde Laamɗo ndeen.

Amos 7:14

Amos jaabii Amasiya wi'i: — Miin mi wanaa annabaajo, mi wanaa ɓiyum. Miin wo mi duroowo na'i, mi demoowo leɗɗe ƴibbe.

Matta 4:18

Iisaa ina yaha hunnduko maayo Galili, de yi'i sakiraaɓe ɗiɗo, Simon bi'eteeɗo Piyeer e sakiike mum Andire. Iɓe paɗɗa fiiliiji maɓɓe ley maayo ngoon. Wo ɓe nanngooɓe liƴƴi.

1 Korintunkooɓe 1:27

Ammaa Laamɗo suɓake ko adunaaru jogorii wo puuyndam faa huyfina jom'en hakkillo ɓeen. Laamɗo suɓake ko adunaaru jogorii wo lokkaaku faa huyfina ko jogii semmbe.