2 Timote 2:20 - Dewtere Laamɗo Fulfulde Burkina Faso

²⁰ Wooɗi, ley suudu teddundu, wanaa ginereeji kaŋŋe e cardi tan ngoodi, moƴƴiniraaɗi leɗɗe e loope du ina ngoodi. Goɗɗi ina ngolliree golleeji tedduɗi, goɗɗi du ina ngolliree golleeji keɓaaɗi fuu.

2 Timote 2:20 ပူးပေါင်းရင်းမြစ်များ

Isira 1:6

Wondiiɓe maɓɓe kokki ɓe kujje gaɗiraaɗe kaŋŋe e cardi e kujje feere feere e daabaaji e dokke yardaamuye keewɗe korsuɗe.

Isira 6:5

Ndeen le'e ɗe kaananke Nebukannejar adunoo ley suudu Dewal Laamɗo, nder huɓeere Urusaliima, de yaari resowi Baabiila ɗeen fuu, njeccinee to ngonnoo ley suudu toon.

Wurtagol 27:3

Ngaɗaa taasaaje to ndoondi wattetee e pelliiji e taasahoy mbiccirkoy ƴiiƴam e juwirɗe teewu e ɓoɓtirɗe ndoondi. Gollitirɗe sakkirde ɗeen fuu ngaɗiree njamndi mboɗeeri.

Yuhanna 8:49

Iisaa jaabii, wi'i: — Mi wanaa gonduɗo e ginnaaru, miɗo teddina Baaba am. Onon, oɗon kuyfina kam.

Romankooɓe 9:20

Aan ɓii-Aadama oon, wo a moy faa njeddaa Laamɗo? Yalla loonde mahaande ina ƴama mahuɗo ɗum oon: «Ko waɗi de mahirɗaa kam ni?»?

1 Korintunkooɓe 3:9

Sabo minen, min gollidooɓe e Laamɗo. Onon wo on ngesa Laamɗo, wo on nyimngo Laamɗo.

2 Korintunkooɓe 4:7

Anndude darja oon laatanake min jawdi korsundi, ammaa miɗen njogorii ndi e ley amin hono no ley looɗe loope, faa anndee baawɗe mawɗe ɗe wo to Laamɗo ƴuuri, wanaa to amin.

Efeesunkooɓe 2:22

Ley kawtal mooɗon e makko on mahidaama faa laatiɗon suudu to Ruuhu Laamɗo jooɗii.

1 Timote 3:15

Ndeen si mi heɓaay warude law fu, a faaman no kaanɗen worrude e ley suudu Laamɗo, laatiindu kawrital goonɗinɓe Laamɗo Buurɗo. Kawrital ngaal woni bimmbeere tiigiinde goonga, wo ngal joƴƴinirde goonga.

1 Piyeer 2:5

Onon du oɗon nga'i hono no kaaƴe buurɗe nyiɓirteeɗe suudu seniindu ni. Wo on almaami'en seniiɓe, waddanooɓe Laamɗo sadakaaji teddinooji ɗum. Laamɗo na jaɓira ɗi saabe Iisaa Almasiihu.